ព័ត៌មានអន្តរជាតិ ៖ ទីភ្នាក់ងារសារព័ត៌មានបរទេស ស៊ិនហួរ កាលពីវេលាល្ងាចម្សិលមិញបានចេញផ្សាយអត្ថបទអោយដឹងថា កាលពីរាត្រីថ្ងៃសៅរ៍កន្លងទៅនេះ នៅឯរដ្ឋតិចសាស់ សហរដ្ឋអាមេរិក ឯណោះវិញ យ៉ាងហោចណាស់ មនុស្ស ២ នាក់បានស្លាប់បាត់បង់ជីវិត ខណៈ ២២ នាក់ផ្សេងទៀត បានទទួលរងរបួសធ្ងន់ និងស្រាល ក្រោយមានករណីផ្ទុះអាវុធ អំឡុងពេលមានកម្មវិធីជប់លៀងដ៏ធំមួយ។
បន្ថែមពីលើនេះ ការិយាល័យអគ្គស្នងការក្រុង បានចេញសេចក្តីថ្លែងការណ៍អោយដឹងថាករណីផ្ទុះអាវុធខាងលើនេះ បានកើតឡើងកាលពីរាត្រីថ្ងៃសៅរ៍កន្លងទៅនេះ វេលាម៉ោង១១ យប់ ស្របពេលដែលមានការប្រារព្ធកម្មវិធីខួបកំណើត អមទៅដោយការចូលរួមពីសំណាក់ក្រុមមនុស្សដែលជាយុវវ័យដល់ទៅ ១០០ នាក់ ។
យ៉ាងណាមិញ ប្រភពសារព័ត៌មានដដែល បានដកស្រង់សម្តីសាក្សីម្នាក់ ដែលជាបេក្ខភាពបានចូលរួមក្នុងកម្មវិធីខាងលើនេះអោយដឹងថា ពិតណាស់ គ្មាននរណាម្នាក់ បានដឹងថា មានរឿងអ្វីកើតឡើងអោយពិតប្រាកដនោះទេ តែក្រុមមនុស្សដែលជាអ្នកចូលរួមក្នុងកម្មវិធី បានផ្អើលនាំគ្មារត់យកតែរួចខ្លួន ខណៈបានលាន់ឭសម្លេងបាញ់បោះ។
គួររំឭកផងដែរ ជនរងគ្រោះទាំងពីរនាក់ (ស្រីម្នាក់ ប្រុសម្នាក់) ដែលបានស្លាប់បាត់បង់ជីវិតនោះ មិនទាន់ត្រូវបានគេបញ្ជាក់អត្តសញ្ញាណនៅឡើយនោះទេ ស្របពេលដែលក្រុមមនុស្សដែលជាជនរងគ្រោះទាំង ២២ នាក់នោះ ត្រូវបានគេដឹងថា មានអាយុចន្លោះពី ១៧ ទៅ ២០ ឆ្នាំ។
ដោយឡែក ជនដៃដល់ ដែលជាខ្មាន់កាំភ្លើង បើកការវាយប្រហារបាញ់បោះនោះ មិនទាន់ត្រូវបានមន្រ្តីប៉ូលីសចាប់ឃាត់ខ្លួននៅឡើយនោះទេ ស្របពេលដែលមន្រ្តីប៉ូលីសក៏កំពុងតែធ្វើការតាមដានស៊ើបអង្កេត សាកសួរពីជនសង្ស័យ ដើម្បីឈានទៅដល់ការចាប់ឃាត់ខ្លួនតែម្តង ។ មូលហេតុដែលនាំអោយមានករណីផ្ទុះអាវុធ ក៏ពុំទាន់បានដឹងដូចគ្នាដែរ៕
ព័ត៌មានអន្តរជាតិ ដ៏គួរអោយចាប់អារម្មណ៍ផ្សេងទៀត មាននៅខាងក្រោម ៖
- ហ្វីលីពីន ជួបគ្រោះធំ ដ៏អាក្រក់បំផុត ក្នុងប្រវតិ្តសាស្រ្តពិភពលោក ឆ្នាំនេះ- ជាលទ្ធផល ទារកតូច បានជួបម្តាយវិញហើយ ក្រោយជនអគតិ លួចយកទៅ- វីដេអូ ប្រតិបត្តិការជួញដូរ លក់កូន នៅឯអាកាសយានដ្ឋាន ល្បីអស់ទាស់ក្នុង Internet- វ័យ ២៥ ឆ្នាំម្នាក់ ដួលសន្លប់ស្លាប់ មួយរំពេច ក្រោយរត់បានរយៈចម្ងាយ ១០ គ.ម
ប្រែសម្រួល ៖ កុសលប្រភព ៖ ស៊ិនហួរ