មនុស្ស៣នាក់បានស្លាប់បាត់បង់ជីវិតនៅក្នុងគ្រោះអគ្គីភ័យឆេះអគារមួយកំពស់៥ជាន់ នៅក្នុងសង្កាត់ Bang Kho Laem នៃទីក្រុងបាងកក រាជធានីរបស់ប្រទេសថៃ កាលពីព្រឹកថ្ងៃទី២៨ ធ្នូ ។ តាមប្រភពព័ត៌មានពីកាសែតបាងកកប៉ុស្តិ៍ថា ក្នុងគ្រោះអគ្គីភ័យនោះភ្លើងបានឆេះជាន់ទី៣ នៃអគារដែលលក់ថូផ្កាចិន ។#រថយន្តពន្លត់អគ្គីភ័យ១០គ្រឿង ត្រូវបានបញ្ជូនទៅកាន់កន្លែងកើតហេតុ ប៉ុន្តែនៅតែមិនអាចពន្លត់បាន ដោយភ្លើងឆេះរាលដាលដល់ជាន់ទី៤ ។ ក្នុងគ្រោះអគ្គីភ័យនោះ ប៉ូលិសបានរកឃើញសាកសពបុរស២នាក់ និងស្ត្រីម្នាក់ នៅជាន់ទី៤នៃអគារ ។#សាក្សីម្នាក់ដែលធ្វើការនៅសណ្ឋាគារមួយក្បែរអគារនោះនិយាយថា ខ្លួនបានឮសំលេងកញ្ចក់បែកនៅជាន់ទី៣នៃអគារមុនពេលភ្លើងឆេះ ។ ទោះបីជាែបបណា គេនៅមិនទាន់ដឹងពីមូលហេតុដែលបណ្តាលឱ្យឆេះអគារនោះនៅឡើយទេ ប៉ុន្តែអ្នកខ្លះនិយាយថា ប្រហែលជាដោយសារទុស្សេខ្សែភ្លើង ។ ប៉ូលិសកំពុងបើកការស៊ើបអង្កេតរកមូលហេតុនៃការឆាបឆេះ#នេះ ៕