សភាអ៊ីរ៉ាក់បានអនុម័តកាលពីថ្ងៃទី២១ ធ្នូ លើសមាសភាពរដ្ឋាភិបាលថ្មីរបស់លោកនាយករដ្ឋមន្ត្រីនូរី អាល់ម៉ាលីគឺ ដែលបញ្ចប់វិបត្តិនយោបាយអូសបន្លាយយ៉ាងយូរដល់៩ខែក្រោយការបោះឆ្នោតសភាថ្ងៃទី៧ មីនា មក ។#បណ្តាសមាជិកសភាសំរេចឱ្យលោកម៉ាលីគីបន្តធ្វើប្រមុខរដ្ឋាភិបាលទៀតដោយលោកត្រូវទទួលបន្ ទុក ជាពិសេសស្តារសន្តិសុខនៅអ៊ីរ៉ាក់ និងធានាបង្កើតរបបប្រជាធិបតេយ្យមួយ ។ អតីតរដ្ឋមន្ត្រីក្រសួងប្រេង លោក HUSSEIN AL CHAHRISTANI ត្រូវបានតែងតាំងជាឧបនាយករដ្ឋមន្ត្រីទទួលបន្ទុកខាងថាមពល ចំណែករដ្ឋមន្ត្រីការបរទេសជាជនជាតិឃើត លោក HOCHTAR ZEBARI នៅរក្សាតំណែងនោះដដែល ។
សភាអ៊ីរ៉ាក់ខកខានពុំបានអនុម័តលើសមាសភាពរដ្ឋាភិបាលថ្មីនាថ្ងៃទី២០ ធ្នូ មកពីនៅមានការខ្វែងទំនាស់គ្នាលើការបែងចែកតំណែង ។ ប្រធានាធិបតីអាមេរិក លោកបារ៉ាក់ អូបាម៉ា បានសំដែងការអបអរសាទរចំពោះបណ្តាមេដឹកនាំអ៊ីរ៉ាក់ចំពោះការបង្កើតបានរដ្ឋាភិបាលថ្មីនេះ ដែលលោកចាត់ទុកថា ជាដំណាក់កាលសំខាន់ឆ្ពោះទៅរកឯកភាពជាតិ ។ លោកមានប្រសាសន៍ថា ការសំរេចចិត្តរបស់បណ្តាមេដឹកនាំអ៊ីរ៉ាក់បង្កើតរដ្ឋាភិបាលមួយដែលមានគណបក្សទាំងអស់ច ូលរួមគឺជាការបដិសេធយ៉ាងច្បាស់ នូវការខិតខំប្រឹងប្រែងរបស់ពួកជ្រុលនិយមដែលសំដៅសាបព្រោះការបំបែកបំបាក់ក្នុងចំណោមស ហគមន៍សាសនា ៕