ប៉ូលិសអ៊ីតាលីកាលពីថ្ងៃទី២៧ ធ្នូ បានដោះកញ្ចប់គ្រឿងផ្ទុះមួយចេញនៅឯស្ថានទូតក្រិចប្រចាំទីក្រុងរ៉ូម ៤ថ្ងៃក្រោយការផ្ទុះកញ្ចប់គ្រឿងផ្ទុះ២ ក្នុងស្ថានតំណាងការទូតស្វីស និងឈីលីដែលបណ្តាលឱ្យមនុស្ស២នាក់ត្រូវរបួស ។ កញ្ចប់សង្ស័យដទៃៗទៀតត្រូវបានរកឃើញនាថ្ងៃនេះ ក្នុងស្ថានទូតវេណេហ្ស៊ុយអេឡា ដាណឺម៉ាក់ ម៉ូណាកូ គូវ៉ែត និងអាល់បានី នៅក្រុងរ៉ូម ព្រមទាំងស្ថានទូតហ្វាំងឡង់ប្រចាំបុរីវ៉ាទីកង់ ។ ក៏ប៉ុន្តែពួកអ្នកដោះមីននៃប៉ូលិសអ៊ីតាលីចាត់ទុកកញ្ចប់ទាំងនេះថា ជាការប្រកាសអាសន្នខុសទេ ។#អាជ្ញាធរអ៊ីតាលីឱ្យដឹងថា កញ្ចប់គ្រឿងផ្ទុះដែលដោះចេញនៅស្ថានទូតក្រិចមានលក្ខណៈប្រហាក់ប្រហែលគ្នាទៅនឹងកញ្ចប់គ្រឿ ងផ្ទុះដែលបានផ្ទុះកាលពីថ្ងៃទី២៣ ធ្នូ កន្លងមកនេះ ក្នុងស្ថានទូតស្វីស និងឈីលី ព្រមទាំងកញ្ចប់គ្រឿងផ្ទុះដែលរកឃើញក្នុងមេត្រូគ្មានមនុស្សជិះមួយកាលពីសប្តាហ៍ម ុន ។ ការផ្ទុះ២លើកមុនកាលពីថ្ងៃទី២៣ ធ្នូ អះអាងទទួលខុសត្រូវដោយក្រុមជនខិលខូចអ៊ីតាលីមួយក្រុម ដែលហៅខ្លួនថា ក្រុមសហព័ន្ធអនាធិបតេយ្យក្រៅផ្លូវការ FAI ៕