ប្រធានាធិបតីសហរដ្ឋអាមេរិក លោកបារ៉ាក់ អូបាម៉ា កាលពីថ្ងៃទី២៧ ធ្នូ កន្លងមក បានហូបទឹកកកឈូសដាក់ទឹកស្ករ ជាមួយកូនស្រីរបស់លោកឈ្មោះ Malia នៅក្នុងចំណោមមនុស្សយ៉ាងច្រើនកុះករនៅកន្លែងលំហែកាយមួយក្នុងទីក្រុង Kailua រដ្ឋហាវ៉ៃ ។ ការហូបទឹកកកឈូសដាក់ទឹកស្ករនៅកន្លែងសាធារណៈនេះរបស់លោកអូបាម៉ា ធ្វើឱ្យមនុស្សផងទាំងឡាយ មានការចាប់អារម្មណ៍យ៉ាងខ្លាំង ព្រោះជារឿងកម្រកើតមានឡើងបំផុតនៅលើពិភពលោក ។ នេះជាលើកទី២ហើយ ដែលលោកប្រធានាធិបតីអូបាម៉ា ហូបទឹកកកឈូសដាក់ទឹកស្ករនៅកន្លែងសាធារណៈចាប់តាំងពីលោកក្លាយជាប្រធានាធិបតីមក ។#លោកអូបាម៉ា បាននាំកូនស្រីទិញទឹកកកឈូសដាក់ទឹកស្ករហូបនៅពេលលោកនាំក្រុមគ្រួសាររបស់លោកទៅលំហែកាយនៅ តំបន់នោះ ។ លោកប្រធានាធិបតីបានចំណាយថ្ងៃចុងសប្តាហ៍នៃឆ្នាំចាស់នៅរដ្ឋហាវ៉ៃ ៕