លោកស្រីអេនហ្សឺឡាម័រកែល អធិការបតីអាល្លឺម៉ង់បានទៅដល់ប្រទេសអាហ្វហ្គានីស្ថានកាលពីថ្ងៃទី១៨ ធ្នូ ដើម្បីបំពេញទស្សនកិច្ចគួរឱ្យភ្ញាក់ផ្អើលមួយនៅភាគខាងជើងប្រទេសនេះជាកន្លែងទាហានអាល្លឺម ៉ង់ដាក់ពង្រាយក្នុងក្របខណ្ឌនៃកងកំលាំងជួយដល់សន្តិសុខនៅអាហ្វហ្គានីស្ថានរបស់អូតង់។# នៅក្រុងប៊ែរឡាំង រដ្ឋាភិបាលបញ្ជាក់ថា លោកស្រីអធិការបតី រដ្ឋមន្ត្រីការពារប្រទេស និងនាយសេនាធិការកងទ័ពអាល្លឺម៉ង់បានទៅដល់ទីក្រុងគុនឌុសជាកន្លែងដែលអាល្លឺម៉ង់មានមូល ដ្ឋានយោធាមួយ។ រដ្ឋាភិបាលអាល្លឺម៉ង់ពុំបានផ្តល់ភាពលំអិតលើទស្សនកិច្ចនោះឡើយ។ #អាល្លឺម៉ងនាពេលនេះមានទាហាន៤.៧០០នាក់ ដាក់ពង្រាយនៅអាហ្វហ្គានីស្ថាន ហើយគ្រោងចាប់ផ្តើមដកជាបន្តបន្ទាប់នូវកងទាហានរបស់ខ្លួនចាប់ពីដំណាច់ឆ្នាំ២០១១ទៅ។ ទស្សនកិច្ចគួរឱ្យភ្ញាក់ផ្អើលនេះរបស់លោកស្រីម័រកែល ធ្វើឡើង ខណៈដែលសភាអាល្លឺម៉ង់គ្រោងអនុម័តនាខែមករាខាងមុខនេះលើការបន្តអនុញ្ញាតឱ្យមានបេសកកម្ម យោធារបស់អាល្លឺម៉ង់នៅអាហ្វហ្គានីស្ថាន។ អាណតិ្តបច្ចុប្បន្នអនុញ្ញាតសំរាប់ការដាក់ពង្រាយទាហានអាល្លឺម៉ង់ច្រើនបំផុតត្រឹមតែ៥.៣៥០នាក ់។#យោងតាមកងទ័ពអាល្លឺម៉ង់ថា ទាហានអាល្លឺម៉ង់ម្នាក់ស្លាប់កាលពីយប់ថ្ងៃទី១៧ ធ្នូ ក្រោយពីត្រូវគ្រាប់កាំភ្លើងនៅប៉ុស្តិ៍យោធាមួយកន្លែងនៅ PUL-E-KHUMRI ៕
