Zika ១៤ ករណីអាចឆ្លង តាមការរួមភេទ ពេលនេះ អាមេរិក កំពុង ស៊ើបអង្កេត ទ្រង់ទ្រាយធំជាបន្ទាន់

ព័ត៌មានអន្តរជាតិ ៖ មជ្ឈមណ្ឌលគ្រប់គ្រងជម្ងឺឆ្លងសហរដ្ឋអាមេរិក  The US Centre for Disease Control (CDC)​ ឲ្យដឹងថា ខ្លួនកំពុងតែធ្វើការស៊ើបអង្កេតជាបន្ទាន់   ទៅលើសេចក្តីរាយការណ៍ថា មានករណីឆ្លងវីរុស Zika ដល់ទៅ ១៤ករណី តាមរយៈការរួមភេទ។ ប្រភព ពី CDC បន្តអោយដឹង ថា ក្នុងចំណោមករណីឆ្លង ទាំង ១៤ ក្នុងនោះ ក៏មានករណីឆ្លងទៅដល់ស្រ្តីមានផ្ទៃពោះដូចគ្នាដែរ

គួរបញ្ជាក់ផងដែរថា សេចក្តីប្រកាសថា វីរុស Zika អាចឆ្លងតាមរយៈការរួមភេទ ត្រូវបានធ្វើឡើង កាលពីពេលកន្លងទៅនេះ នៅលើទឹកដីសហរដ្ឋអាមេរិក ក្រោយពលរដ្ឋអាមេរិកម្នាក់ ដែលពុំមែន ជាអ្នកទេសចរចំណាកស្រុកនោះ បានឆ្លងវីរុស Zika ។ ករណីនេះ គឺគេដាក់បន្ទុកការសង្ស័យទៅ លើការចម្លងវីរុស Zika តាមរយៈការរួមភេទជាមួយនឹងដៃគូរបស់គេ​ ដែលធ្លាប់ធ្វើដំណើរទៅកាន់ តំបន់ឆ្លងវីរុស Zika នៅឯក្រៅប្រទេស ។

មជ្ឈមណ្ឌលគ្រប់គ្រងជម្ងឺឆ្លងសហរដ្ឋអាមេរិក The US Centre for Disease Control (CDC)​ ណែ នាំដល់ គ្រប់  បុរស   ទាំងអស់ ដែលបានធ្វើដំណើរទៅដល់ តំបន់ឆ្លងវីរុស Zika ត្រូវតែប្រើស្រោម អនា​ម័យឲ្យបានគ្រប់ពេលរួមភេទ   ជាមួយ  នឹង   ដៃគូរបស់ខ្លួន ។ ក្រសួងពាក់ព័ន្ធ ចេញសេចក្តី បញ្ជាក់ឲ្យដឹងថា ពុំទាន់មានភស្តុតាងជាក់លាក់  អាច  បញ្ជាក់បាននៅឡើយទេ ថាស្រ្តីអាចចម្លង វីរុស Zika ទៅកាន់ដៃគូរួមភេទរបស់ខ្លួន ប៉ុន្តែ ការសិក្សាស្រាវជ្រាវ និងស៊ើបអង្កេត ត្រូវតែធ្វើឡើង ជាចាំបាច់ ដើម្បីឆ្លើយតបទៅនឹងបញ្ហាប្រឈមប្រការនេះ ៕

-អាន ៖ បែកធ្លាយ Zika ឆ្លងតាមរយៈការ រួមភេទ ហើយ

 

ប្រែសម្រួល ៖ កុសល

ប្រភព ៖ ប៊ីប៊ីស៊ី