ព័ត៌មានអន្តរជាតិ ៖ សោកនាដកម្មរត់ជាន់គ្នា ខាងក្រៅព្រះវិហារមួយកន្លែង ភាគកណ្តាលប្រទេសឥណ្ឌា បានសម្លាប់មនុស្សដល់ទៅ ៨៩ នាក់ កាលពីថ្ងៃអាទិត្យម្សិលមិញនេះ នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេសនាំមុខ CNN ។
គួរបញ្ជាក់ផងដែរថា ករណីរត់ជាន់គ្នាខាងលើនេះ បានកើតឡើងនៅលើស្ពានមួយកន្លែងពីលើទន្លេ Sindh ខណៈពេលដែលមានការដង្ហែធម្មយាត្រា ទៅកាន់ព្រះវិហារមួយកន្លែងស្របពេលដែលមានការប្រារព្ធកម្មវិធីបុណ្យសាសនាហិណ្ឌូ ។ ដោយឡែក បើយោងតាមសម្តីលោក D.K. Arya ជាអធិការកិច្ចប៉ូលីសក្នុងស្រុក បានគូសបញ្ជាក់អោយដឹងថា ចំនួនអ្នកស្លាប់បាត់បង់ជីវិត អាចនឹងមានការកើនឡើង ព្រោះថា អំឡុងពេលនៃការកើតមានឡើងនូវឧបទ្ទេវហេតុ មានក្រុមមនុស្សដែលជាប្រជាពលរដ្ឋ ចូលរួមកដល់ទៅជាង ២,៥០០ នាក់ឯណោះ។
ទីភ្នាក់ងារសារព័ត៌មាន CNN បានធ្វើកិច្ចសម្ភាសន៍ ជាមួយមន្រ្តីប៉ូលីសម្នាក់អោយដឹងថាករណីរត់ជាន់គ្នាលើកនេះ អាចកើតឡើងទៅបាន ខណៈពេលដែលមានពាក្យចចាមអារ៉ាមថាមានការបាក់ស្ពាន រំពេចនោះ ភាពភ័យស្លន់ស្លោ ក៏បានកើតមានឡើងមួយរំពេចតែម្តង។យ៉ាងណាមិញ ក្រុមមនុស្សមួយចំនួន បាននាំគ្នាលោតចូលទៅក្នុងទន្លេ បំណងដើម្បីធ្វើការរត់គេចខ្លួន ។ គួរបញ្ជាក់ផងដែរថា ករណីរត់ជាន់គ្នាលើកនេះ បានកើតឡើងនៅឯភាគកណ្តាលរដ្ឋ Madhya Pradesh ប្រទេសឥណ្ឌា ៕
* ព័ត៌មានអន្តរជាតិ ដ៏គួរអោយចាប់អារម្មណ៍ផ្សេងទៀត មាននៅខាងក្រោម ៖
- បុគ្គលិក កាកបាទក្រហម ៧ នាក់ ត្រូវបានក្រុមឧទ្ទាម ចាប់ជំរិតខ្លួន- ជីកគាស់ រកឃើញផ្នូរបុរាណ មានអាយុកាល តាំងពី ២០៦ ឆ្នាំមុន គ.ស- ៣១ នាក់ស្លាប់ ២០០ នាក់រួចខ្លូន ក្រោយកាប៉ាល់មួយគ្រឿងបានលិច នៅឯសមុទ្រ- អគ្គីភ័យ បានឆាបឆេះផ្សារទំនើបមួយ កាលពីព្រឹកមិញនេះ
ប្រែសម្រួល ៖ កុសលប្រភព ៖ CNN