ទូរទស្សន៍របស់រដ្ឋបាននិយាយថា អ្នកវាយប្រហារដោយគ្រាប់បែកអត្តឃាតម្នាក់ បានសម្លាប់មនុស្ស យ៉ាងហោចណាស់ ក៏អស់ចំនួន៣៥នាក់ដែរ នៅអាកាសយានដ្ឋានដ៏រវល់បំផុត របស់ប្រទេសរុស្ស៊ី កាលពីថ្ងៃ ច័ន្ទ នៅក្នុងការវាយប្រហារមួយនៅក្នុងរដ្ឋធានី ដែលជាសញ្ញាសំគាល់ នៃការវាយប្រហារ របស់ពួកអ្នកសកម្ម ប្រយុទ្ធ សម្រាប់រដ្ឋអ៊ីស្លាមមួយនៅតំបន់កូកាសខាងជើង។
លោកប្រធានាធិបតី ឌីមីទ្រី ម៉េតវីដេវ បានសន្យាដើម្បីរកឲ្យឃើញ និងដាក់ទណ្ឌកម្ម ចំពោះពួកអ្នក ដែលនៅពីក្រោយការវាយប្រហារនេះ ដែលបណ្ដាលឲ្យរងរបួសដល់មនុស្សជាង១៥០នាក់ផងដែរ នៅក្នុងអំឡុងពេលរសៀល ដែលមានការមមាញឹកនៅអាកាសយានដ្ឋាន Domode-dovo របស់ក្រុងម៉ូស្គូ។ ការ ស្លាប់នេះ រួមមាន ជនបរទេសមួយចំនួនផងដែរ។
ពួកឧទ្ទាមអ៊ីស្លាមនិយម បានសន្យាដើម្បីនាំយកការវាយប្រហារដោយគ្រាប់បែក របស់ពួកគេ ពីកូកាសខាងជើងទៅកាន់បេះដូង របស់ប្រទេសរុស្ស៊ី នៅក្នុងឆ្នាំនេះ នៅមុនពេលការបោះឆ្នោត ជ្រើសរើស ប្រធានាធិបតី ដោយតម្រង់គោលដៅទៅលើកន្លែងដឹកជញ្ជូន និងសេដ្ឋកិច្ច។ ពួកគេក៏បានតម្លើងការគម្រាម កំហែង នៅក្នុងអំឡុងពេលប្រកួតកីឡាអូឡាំពិក រដូវត្រជាក់ផងដែរ ដែលគម្រោងនឹងប្រព្រឹត្តទៅ នៅទីក្រុង សូឈី កន្លែងកំសាន្តនៅសមុទ្រខ្មៅ ជាតំបន់មួយដែលពួកអ្នកសកម្មប្រយុទ្ធ មួយចំនួនត្រូវបានគេចាត់ទុកថា បានកាន់កាប់នៅទីនោះ។
ប្រធានាធិបតី អាមេរិក លោកបារ៉ាក់ អូបាម៉ា បានថ្កោលទោសចំពោះការវាយប្រហារដ៏យង់ឃ្នងនេះ និងបានផ្ដល់នូវការជួយដល់ក្រុងម៉ូស្គូ។ អគ្គលេខាធិការរបស់អង្គការ Nato លោកអែនឌ័រ ហ្វុក រ៉ាសមូសេនបាននិយាយថា លោកមានការតក់ស្លុតយ៉ាងខ្លាំង៕
http://www.kampucheathmey.com/local-...-03-43-57.html