កូរ៉េខាងជើងចាប់ផ្ដើមបញ្ចូលប្រេងឥន្ធនៈចូលកាំជ្រួច

កូរ៉េខាងជើងបានចាប់ផ្ដើមបញ្ចូលប្រេងឥន្ធនៈទៅក្នុងកាំជ្រួចនាំផ្កាយរណប់ ដែលត្រូវបាន ប្រទេសលោកខាងលិចយល់ថា ជាការសាកល្បងកាំជ្រួច។

AFP ដកស្រង់សំដីមន្ដ្រីកូរ៉េខាងជើងបានអោយដឹងថា កូរ៉េខាងជើងបានចាប់ផ្ដើមចាក់ប្រេង ឥន្ធនៈចូលកាំជ្រួចបាញ់បង្ហោះផ្កាយរណប់។ តាមគម្រោង ការបាញ់បង្ហោះកាំជ្រួចនេះជិតនឹងត្រូវបានធ្វើឡើង។ យោងតាមប្រភពព៍ត៌មាន ពី Seoul របស់ទំព័រ​ Tokyo Shimbun បានរាយការណ៍ថា ក្រុង Pyongyang អាចនឹងបាញ់ បង្ហោះកាំជ្រួចនេះក្នុងថ្ងៃទី ១២ ឬ ១២​ ខែមេសាខាងមុខ។

កាសែតរបស់ជប៉ុនបានសរសេរថា កូរ៉េខាងជើងបានចាប់ផ្ដើមបញ្ចូលសារធាតុឥន្ធនៈចូលទៅ កាំជ្រួចផ្លោត Unha-3 របស់ខ្លួនដើម្បីត្រៀមបាញ់បង្ហាញនៅពេលដ៏ខ្លីខាងមុខ។

ទំព័រ Tokyo Shimbun ក៏បានរាយការណ៍ថា ក្រុង Pyongyang បាននាំយកកាំជ្រួចទៅ កាន់កន្លែងបាញ់បង្ហោះ Tongchang-ri នៅភាគខាងលិចនៃប្រទេស៕