រដ្ឋាភិបាលសហព័ន្ធអូស្ត្រាលីកាលពីថ្ងៃទី១៧ មករា បានផ្តល់ឱ្យក្រុមហ៊ុនប្រេងយក្ស BP របស់ចក្រភពអង់គ្លេសនូវសិទ្ធិរុករកប្រេងនៅ អណ្តូងប្រេងបំរុងថ្មីមួយក្នុងដែនទឹកនៃឆ្នេរសមុទ្ររបស់ខ្លួនជាថ្មីទៀត ចាប់តាំងពីការផ្ទុះហៀរប្រេងនៅឈូងសមុទ្រម៉ិចស៊ិកមក ។#រដ្ឋមន្ត្រីធនធានធម្មជាតិអូស្ត្រាលីលោក Martin Ferguson បានប្រកាសពីការផ្តល់សិទ្ធិរុករកប្រេង និងឧស្ម័នថ្មីចំនួន៧កន្លែងដល់ក្រុមហ៊ុនចំនួន២នៅរដ្ឋអូស្ត្រាលីខាងលិច និងរដ្ឋអូស្ត្រាលីខាងត្បូង ដើម្បីជួយជំរុញការធ្វើវិនិយោគមានទឹកប្រាក់៦៨២លានដុល្លារអាមេរិក រយៈពេល៣ឆ្នាំខាងមុខ ។ សិទ្ធិអនុញ្ញាតចំនួន៤ត្រូវបានផ្តល់ទៅឱ្យក្រុមហ៊ុន BP នៅដែនសមុទ្រអូស្ត្រាលីខាងត្បូង ចំណែកសិទ្ធិអនុញ្ញាត៣ទៀត នៅដែនសមុទ្រអូស្ត្រាលីខាងលិចត្រូវផ្តល់ទៅឱ្យក្រុមហ៊ុន Coodside Energy Riverina Energyand Finder Nou Pty Ltd។# ការផ្តល់សិទ្ធិអនុញ្ញាតឱ្យរុករកប្រេង និងឧស្ម័ននេះរបស់ប្រទេសអូស្ត្រាលីធ្វើឡើងជាលើកដំបូងចាប់តាំងពីការផ្ទុះកន្លែង បូមប្រេងរបស់ក្រុមហ៊ុន BP នៅឈូងសមុទ្រម៉ិចស៊ិកបណ្តាលឱ្យស្លាប់មនុស្ស១១នាក់ កាលពីខែមករា ឆ្នាំ២០១០ មក។