ព័ត៌មានអន្តរជាតិ ៖ ប៉ូលីស ម៉ាឡេស៊ី បានប្រទះឃើញផ្នូរយក្ស បណ្តុំទៅដោយផ្នូរតូចៗជាច្រើនកន្លែង ខណៈក្រុមមន្រ្តីពាក់ព័ន្ធ មានជំនឿជាក់អោយដឹថា ផ្នូរទាំងនោះ គឺ ពោរពេញទៅដោយសាកសព ជន អន្តោប្រវេសន៍ ជនជាតិ បង់ក្លាដេស និង Rohingya ។
សេចក្តីរាយការណ៍ បញ្ជាក់អោយដឹងថា សរុប ជារួម ផ្នូរ ៣០ កន្លែង ត្រូវ បាន រកឃើញ អំឡុងពាក់ កណ្តាលខែ ឧសភា នេះ នៅក្នុងព្រៃជ្រៅ នៃតំបន់ Padang Besar និងតំបន់ Wang Kelian រដ្ឋ Perlis ប្រទេស ម៉ាឡេស៊ី ។ សារ ព័ត៌មាន The Malay Mail Online ដកស្រង់ របាយការណ៍ ពីកាសែតក្នុង ស្រុក Mingguan Malaysia ចុះផ្សាយអោយ ដឹងថា របកគំហើញនៃផ្នូរ ជាច្រើនកន្លែងទាំងនេះ គឺមាន ទំនាក់ទំនង និងផ្សាភ្ជាប់ ជាមួយ នឹងផ្នូរជាច្រើន កន្លែង ដែលបានរកឃើញដូចគ្នាដែរ នៅក្នុងខេត្ត Songkhla ប្រទេស ថៃ កាលពី ពេ លកន្លងទៅ ។ អាជ្ញាធរថៃ គាស់ កកាយ បានសាកសព ប្រមាណ ២៦ នាក់ ទំន ងជា សព ជនអន្តោ ប្រវេសន៍ បង់ក្លាដេស និង មីយ៉ាន់ម៉ា ពីផ្នូរមួយចំនួនដែលបានរក ឃើញនៅក្នុងខេត្ត Songkhla កាលពីកន្លងទៅ ។
ដោយឡែក ពីគ្នា សារព័ត៌មានក្នុងស្រុក ម៉ាឡេស៊ីអោយដឹងថា អាជ្ញាធរប្រទេសនេះបានរកឃើញ ផ្នូរ យក្ស ដែលមានជំនឿជាក់ ទំនងជាផ្ទុកសាកសព ជនអន្តោ ប្រវេសន៍ Rohingya ប្រមាណ ១០០ នាក់ រកឃើញនៅក្នុងតំបន់ Padang Besar ជាតំបន់ភ្នំ ខណៈកម្រមានជនស៊ីវិល បង្ហាញវត្តមានទៅដល់ទី នោះណាស់ ។
លោក Ahmad Zahid Hamidi រដ្ឋ មន្រ្តី ជាន់ខ្ពស់ ប្រទេស ម៉ាឡេស៊ី អះអាង ពីការរកឃើញផ្នូរ យក្ស លើកនេះ អោយដឹងថា ៖ ផ្នូរទាំងនេះ ត្រូវបានរកឃើញ ថាមានវត្តមានៅជិត នឹងជុំរុំឃុំខ្លួន ក្រុមជួញដូរ មនុស្សខុសច្បាប់ ដែលធ្លាប់តែមានវត្តមាននៅទីនោះ ៥ ឆ្នាំ មក ហើយ ខណៈលោកបានទទួលស្គាល់ ពីទោសកំហុសខាងភាគី ម៉ាឡេស៊ី ពិតជាចូលរួម ក្នុង ដំណើរ ការ ជួយដូរលើកនេះ រហូតដល់មានការ ស្លាប់មនុស្សនៅតាមផ្នូរជាច្រើនកន្លែងទាំងនេះ ប៉ុន្តែ មិនមែន ជាការសហការ ជាមួយនឹងរដ្ឋាភិបាល ម៉ាឡេស៊ីនោះទេ តែជាការសហការណ៍គ្នា ជាមួយនឹងប្រជាជនម៉ាឡេស៊ី ៕
- អាន ៖ រកឃើញ ផ្នូរ កណ្តាលព្រៃជ្រៅ មិនតិចជាង ៣០ ផ្នូរ មិនដឹងសពខ្មោច ជាអ្នកណា ស្លាប់ដោយរបៀបណា នៅឡើយ
- អាន ៖ រាប់ពាន់នាក់ ជួយសង្គ្រោះ ពីការរសាត់អណ្តែត លើសមុទ្រ គឺជាជនរងគ្រោះ ជួយដូរមនុស្ស ខុសច្បាប់
ប្រែសម្រួល ៖ កុសល
ប្រភព ៖ CNA