ព័ត៌មានអន្តរជាតិ ៖ ក្មេងប្រុសវ័យ ៦ ឆ្នាំដ៏គួរអោយអាណិតម្នាក់ ដែលត្រូវបានគេខ្វះយកភ្នែកចេញនោះ បានលាន់មាត់សួរក្រុមគ្រួសារថា តើហេតុអ្វីបានជាពិភពលោកយើងនេះ ងងឹតយ៉ាងដូច្នេះ? ក្មេងប្រុសដែលជាជនរងគ្រោះម្នាក់នេះ មាននាមត្រកូល Guo ក៏កំពុងតែត្រូវសម្រាកព្យាបាលនៅឯមន្ទីរពេទ្យ បន្ទាប់ពីបានរកឃើញគេនៅតាមដងផ្លូវ ពោរពេញទៅដោយឈាមស្រោចពេញខ្លួន ក្រោយបាត់ខ្លួនអស់រយៈពេល ៤ ម៉ោងពីសួនច្បារក្រោយផ្ទះបន្ទាប់ពីក្រុមសង្គមងងឹតចាប់យកទៅ និងវះយកចេញនូវសរីរាង្គ។
គួររំឭកផងដែរ កាលពីវេលាព្រឹកម្សិលមិញនេះ គេហទំព័រសារព័ត៌មានយើងខ្ញុំ ក៏បានចុះផ្សាយរួចម្តងមក ហើយនូវករណីខាងលើនេះ ខណៈពេលដែលទើបតែនឹងកើតឡើងថ្មីដោយមានចំណងជើងធំៗថា ៖ អណោចអធម ៖ ក្មេងប្រុសតូច ត្រូវជនអគតិ ខ្វះភ្នែកបាត់ ក្រោយចាប់ជំរិត (មានវីដេអូ) ។
ក្មេងតូចរូបនេះ នឹងមិនអាចមើលឃើញសាជាថ្មីម្តងទៀតនោះទេ បន្ទាប់ពីបានក្លាយជាជនរងគ្រោះដំបូងរបស់ឧក្រិដ្ឋជនសង្គមងងឹត ដែលចង់បាននូវប្រស្រីភ្នែក ។ បើទោះជាគ្រាប់ភ្នែកត្រូវបានរកឃើញនូវក្បែរនោះក៏ដោយ តែប្រស្រីភ្នែកបានបាត់ទៅហើយ។
យ៉ាងណាមិញ ក្រុមមន្រ្តីប៉ូលីសក៏កំពុងតែធ្វើការតាមដានស៊ើបអង្កេ ត ដើម្បីឈានទៅដល់ការចាប់ឃាត់ខ្លួន ជនដៃដល់ ដោយនៅក្នុងនោះ ក៏មានការផ្តល់ជាប្រាក់រង្វាន់ដល់ទៅ ១០០,០០០ យ័ន ដល់បុគ្គលណាមួយ ដែលអាចផ្តល់ជាព័ត៌មានលម្អិតអាចឈានដល់ការចាប់ឃាត់ខ្លួនឧក្រិដ្ឋ ខណៈពេលដែលករណីមួយនេះ បានកើតឡើងនៅឯខេត្តShanxi ប្រទេសចិន ។
គួររំឭកផងដែរថា អត្ថបទសារព័ត៌មានមួយនេះ បានធ្វើអោយក្រុមមនុស្សមកពីជុំវិញ ពិភពលោកសង្វែកចិត្តជាខ្លាំង ខ្លះរហូតដល់ស្រក់ទឹកភ្នែក នឹងខ្លះទៀត បានលាន់មាត់ថា ពិតឬដែលថាមានមនុស្សលោកឃោរឃៅដល់ថ្នាក់នេះ តើពួកគេអាចធ្វើបានយ៉ាងដូចម្តេច :( ៕
* ព័ត៌មានអន្តរជាតិមួយចំនួនផ្សេងទៀត មាននៅខាងក្រោម ៖
- អណោចអធម ៖ ក្មេងប្រុសតូច ត្រូវជនអគតិ ខ្វះភ្នែកបាត់ ក្រោយចាប់ជំរិត (មានវីដេអូ)- បទពិសោធន៍ថ្មី ភ្នែកនៅកញ្ជឹង ក ៖ ក្រុមភ្ញៀវទេសចរ លុកលុយដល់ ទីស្នាក់អាស្រ័យ តោកំណាច
- រកឃើញរូងភ្នំអាថ៍កំបាំង រាប់ម៉ឺន បន្សល់ទុក ពីសម័យបុរាណ (មានវីដេអូ)- ខ្លោចចិត្ត ៖ ពលរដ្ឋស្លូតត្រង់ ៧ រូបស្លាប់យ៉ាង អណោចអធម ខណៈអាគារ រស់នៅបាក់រលំ
ដោយ ៖ រិទ្ធីប្រភព ៖ ដឹមីរ័រ