ព័ត៌មានជាតិ ៖ បើតាមការអោយដឹងពីគេហទំព័រសារព័ត៌ក្នុងស្រុក ដែលបានផ្សាយនាប៉ុន្មានម៉ោងមុននេះ បានបញ្ជាក់អោយដឹងថា គ្រោះថ្នាក់ចរាចរណ៍ដែលបានកើតមានឡើងនៅក្នុងខេត្តស្វាយរៀង នាឧកាសបុណ្យភ្ជុំបិណ្ឌនេះ បានសម្លាប់មនុស្សពីរនាក់។
លើសពីនេះទៅទៀត របាយការណ៍ដដែល បានបញ្ជាក់បន្ថែមអោយដឹងផងដែរថា បើគិតចាប់ពីថ្ងៃទី ១៤ ដល់ ១៦ តុលា ឆ្នាំ២០១២ នេះពោលគឺនៅក្នុងឧកាសបុណ្យភ្ជុំបិណ្ឌតែម្តង នៅខេត្តស្វាយរៀង មានគ្រោះថ្នាក់ចរាចរណ៍កើតឡើង ០៦ លើក បណ្ដាលឲ្យស្លាប់មនុស្ស ០២ នាក់ របួសធ្ងន់ ០៥ នាក់ ស្រាល ០២ នាក់ ។ កត្តាបណ្ដាលឲ្យគ្រោះចរាចរណ៍នេះ មកពីអ្នកបើកបរស្រវឹងស្រា ធ្វេសប្រហេស ខ្វះការប្រុងប្រយ័ត្ន បើកបរមិនប្រកាន់ស្ដាំ បើកបរប្រើប្រាស់ល្បឿនលឿនមិនគោរពសិទ្ធិអាទិភាពគ្មានពាក់មួកសុវត្ថិភាព និងកញ្ចក់មើលក្រោយជាដើម៕
រូបភាព ដែលជា ប្រការគួរជៀសវាង បំណងល្អពីទំព័រសារព័ត៌មាន Camnews គោរពច្បាប់ចរាចរណ៍ គឺគោរពអាយុជីវិតខ្លួនឯង និងអ្នកដទៃ
ដោយ ៖ មង្គលប្រភព ៖ Police.gov