នៅវេលាម៉ោង១និង៤៥នាទី រំលងអាធ្រាត្រយប់នេះ ការប្រកួតបាល់ទាត់ Champions League លីកវគ្គផ្តាច់ព្រ័ត្រ សម្រាប់រាត្រីថ្ងៃសៅរ៍នេះមាន១ប្រកួត។ ក្រុម Bayern មានប្រៀបជាងក្រុម Chelsea ដោយសារប្រកួតក្នុងពហុកីឡដ្ឋានរបស់ខ្លួន តើក្រុម Bayern អាចលើកពាន UEFA Champions League ក្នុងទឹកដីរបស់ខ្លួនបានទេ ?
វគ្គផ្តាច់ព្រ័ត្រនេះ ក្រុម Bayern Munich នឹងបើកទ្វារពហុកីឡដ្ឋាន Arena ក្នុងទីក្រុង Munich របស់ខ្លួនដើម្បីទទួលស្វាគមន៍ Chelsea ក្នុងព្រឹត្តិការណ៍ លីកអាជីពនៃពានលំដាប់ទី១ ប្រចាំទ្វីបអឺរ៉ុប។Bayern ធ្លាប់ទទួលបានជើងឯកយូហ្វាឆេមពានលីកចំនួន 4លើក ។ លើកពានចុង ក្រោយគឺឆ្នាំ 2001 និងរងជើងឯកចំនួន 4លើកចុងក្រោយឆ្នាំ 2010 ។ រីឯក Chelsea មិនដែលស្គាល់រសជាតិលើក UEFA Champions League ម្តងណាសោះ ។ ហើយប្រវត្តិជួបគ្នា២ប្រកួត ចុងក្រោយក្នុងក្របខណ្ឌនេះដដែល គឺ Bayern Munich ស៊ី Chelsea ៣-២ និងមួយទៀត Chelsea ស៊ីវិញ៤-២។
គូរឲ្យបញ្ជាក់ថា Chelsea គឺជាក្រុមមួយខ្លាំងនារដូវកាលនេះ ដែលទើបតែលើកពាន FA Cup រួចហើយនាពេលថ្មីៗ បន្ទាប់ពីទម្លាក់ Liverpool ២-១ នៅវគ្គផ្តាច់ព្រ័ត្រ ហើយក៏បានទម្លាក់ ក្រុមការពារតំណែងជើងឯក Barcelona របស់អេស្ប៉ាញផងដែរ នៅវគ្គពាក់កណ្តាលផ្តាច់ព្រ័ត្រ។ ចំណែកBayern វិញ គឺមិនទាន់បានពាន១ នៅឡើយទេ បានត្រឹមតែរងជើងឯកតែប៉ុណ្ណោះ សម្រាប់ពានលីកអាជីព ប្រចាំប្រទេសខ្លួននោះ។
ប្រភព៖ BDso