នាយករដ្ឋមន្ត្រីវៀតណាមលោកង្វៀន តាន់យុង កាលពីថ្ងៃទី៩ មករា ត្រូវបានសមាជលើកទី១១របស់បក្សរក្សាឱ្យលោកស្ថិតក្នុងជួរការិយាល័យនយោបាយរបស់បក្សកុំមុ យនីស្តវៀតណាមបន្តទៀត ដែលនោះជាការក្រាលផ្លូវឱ្យលោកបន្តកាន់តំណែងអាណត្តិទី២មួយទៀត។ ចំណែកប្រធានសភាវៀតណាម លោកង្វៀង ភូជុង ត្រូវបានជ្រើសតាំងជាអគ្គលេខាបក្សកុំមុយនីស្តវៀតណាម។ លោកដុង តាន់សាង និងឧបនាយករដ្ឋមន្ត្រី លោកង្វៀន ស៊ិញហ៊ុង ក៏ត្រូវជ្រើសតាំងបញ្ចូលក្នុងការិយាល័យនយោបាយដែរ។១ភាគ៣នៃសមាជិកការិយាល័យនយោបាយបក្ស កុំមុយនីស្តវៀតណាមដែលមាន១៥រូបបានសុំលាលែងកាលពីថ្ងៃទី១៨ មករា ក្នុងក្របខណ្ឌនៃការរុះរើក្នុងជួរថ្នាក់ដឹកនាំបក្ស។ បន្ទាប់ពីសមាជនេះទើបអាចបំភ្លឺពីសភាពការណ៍នៃថ្នាក់ដឹកនាំកំពូលរបស់រដ្ឋ។ នាយករដ្ឋមន្ត្រីវៀតណាមលោកង្វៀន តាន់យុង ទទួលការរិះគន់យ៉ាងខ្លាំងកាលពីឆ្នាំទៅមិញចំពោះការគ្រប់គ្រងសេដ្ឋកិច្ចដ៏ចំរូងចំរាស់រប ស់លោក ព្រមទាំងទាក់ទិនដល់ការដួលរលំនៃក្រុមហ៊ុនស្ថាបនានាវា VINASHIN ។ គណៈកម្មាធិការកណ្តាលរបស់បក្សកុំមុយនីស្តវៀតណាមក្នុងថ្ងៃចុងក្រោយនៃសមាជលើកទី១១របស់ បក្សបានប្រកាសនាព្រឹកថ្ងៃទី១៩ មករា ពីការជ្រើសតាំងលោកង្វៀន ភូជុង ជាអគ្គលេខាបក្សកុំមុយនីស្តវៀតណាមជំនួសលោកណុង ឌឹកម៉ាញ់ ៕
