ព័ត៌មានអន្តរជាតិ ៖ ទីភ្នាក់ងារសារព័ត៌មានបរទេស ស្កាយ កាលពីថ្ងៃអាទិត្យម្សិលមិញនេះបានចេញផ្សាយអត្ថបទ ដោយដកស្រង់សម្តីអ្នកវិទ្យាសាស្រ្តថា កំទេចកំទីផ្កាយរណប ដែលមានទម្ងន់ដល់ទៅ ១ តោននោះ អាចមានវត្តមានធ្លាក់មកចំភពផែនដីយើងនេះ ពោលគឺមានភាគរយច្រើន ក្នុងការធ្លាក់ចូលទៅក្នុងសមុទ្រ ជាជាងការធ្លាក់មកចំផ្ទៃដី។
មានភាភភ័យខ្លាច ថាផ្កាយរណបអស់សុពលភាពមួយនេះ អាចនឹងធ្លាក់ចំទ្វីបអឺរ៉ុប តែបើយើងតាមអ្នកជំនាញអះអាងអោយដឹងថា វាពិតជាមិនអាចទៅរួចនោះទេពោលគឺវាអាចធ្លាក់ចូលទៅក្នុងសមុទ្រ និងតំបន់ប៉ូលច្រើនជាង។ យ៉ាងណាមិញ បើយោងតាមទីភ្នាក់ងារស្រាវជ្រាវលំហអាកាសរបស់អឺរ៉ុប European Space Agency បញ្ជាក់ថា ផ្កាយរណបមួយនេះបានផ្ទុះទៅជាបំណែកតូច ខណៈបានបង្ហោះចូលទៅក្នុងលំហអាកាសមានរយៈចម្ងាយ ប្រមាណជាង ៥០ ម៉ាយ ពីភពផែនដី។
បន្ថែមពីលើនេះ ប្រភពសារព័ត៌មានដដែលបន្ថែមថា បំណែកតូចនៃផ្កាយរណបដែលអាចធ្លាក់មកលើភពផែនដីយើងនេះ អាចនឹងមានទំងន់ដល់ទៅ ៩០ គ.ក ។ ខាងក្រោមនេះ គឺជាវីដេអូឯកសារ ស្តីពីហានិភ័យ ដែលនាំអោយកើតមានឡើងនូវករណីធ្លាក់ផ្កាយរណបមួយនេះ ជ្រាបកាន់តែច្បាស់ តាមដានទស្សនាបន្តិចទៅ ៖
បញ្ជាក់ ៖ ចុចទីនេះ ដើម្បីអាចទស្សនាវីដេអូ មួយផ្សេងទៀត ៕
ប្រែសម្រួល ៖ កុសលប្រភព ៖ ស្កាយ