រដ្ឋធានីទុយនីស៊ីទីក្រុងទុយនីសកាលពីយប់ថ្ងៃទី១១ មករា គឺជាទីលាននៃអំពើហិង្សាដែលកើតមានជាលើកដំបូងនៅទីនោះ តាំងពីមានចលនាតវ៉ាចាប់ផ្តើមពីថ្ងៃទី១៦ ធ្នូ មកនៅទីក្រុងស៊ីឌី ប៊ូហ្ស៊ីដ ដែលតាមតួលេខផ្លូវការបណ្តាលឱ្យជនស៊ីវិលស្លាប់សរុប២៣នាក់# ហើយ ។# កងកំលាំងប៉ូលិសបានបាញ់ឡើងលើ ដើម្បីបំបែកហ្វូងមនុស្សដែលកំពុងតែបំផ្លាញអគារទាំងឡាយក្នុងសង្កាត់កម្មករ ETTADAMEN។ ពួកយុវជនជាច្រើនរយនាក់បានគប់ដុំថ្មទៅលើប៉ូលិសមុនពេលពួកគេលុកលុយបំផ្លាញហាងទំនិញ ទាំងឡាយ ហើយដុតធនាគារមួយមក។ ពួកបាតុករបានរាំងផ្លូវថ្នល់ទាំងឡាយដោយដុតសំបកកង់រថយន្ត ដុតរថយន្តបឺសមួយគ្រឿង និងរថយន្ត២គ្រឿងផ្សេងទៀត ហើយក៏ដុតទីតាំងរដ្ឋបាលមូលដ្ឋានមួយទៀតដែរ ។ ប៉ូលិសបានបាញ់បង្អើលឡើងលើ ហើយក៏ប្រើប្រាស់គ្រាប់បែកបង្ហូរទឹកភ្នែកផងដែរ ប៉ុនប៉ងបង្ខំឱ្យមនុស្សទាំងឡាយដកថយចេញពីអគារទីតាំងរដ្ឋបាលនោះ ។# អំពើហិង្សាថ្មីនេះ ផ្ទុះឡើងបន្ទាប់ពីការចេញផ្សាយតុល្យការផ្លូវការថ្មីមួយពីចំនួនអ្នកស្លាប់ តាំងពីចាប់ផ្តើមចលនាបះបោរ ញុំងឱ្យមានមនុស្សស្លាប់ថ្មី៣នាក់ទៀត ។#ពួកអ្នកចូលរួមក្នុងការបះបោរអះអាថា ចង់តវ៉ាប្រឆាំងនឹងទំនិញឡើងថ្លៃ និងការខ្វះការងារធ្វើនៅទុយនីស៊ី ។ អាជ្ញាធរបរិហារថា ជាបះបោរនេះបង្កឡើងដោយពួកជ្រុលនិយមមួយក្តាប់តូច។ យោងតាមរដ្ឋអំណាចថា បណ្តាជនរងគ្រោះត្រូវសម្លាប់ដោយប៉ូលិសពេលប្រើសិទ្ធិការពារខ្លួន ៕