នាយករដ្ឋមន្ត្រីជប៉ុន លោកណាអូតូ កាន ទទួលបានការគាំទ្រកាន់តែច្រើនជាងមុនក្រោយពីការរុះរើគណៈរដ្ឋមន្ត្រីរបស់លោកក្នុងការ ស្ទង់មតិមួយដែលចេញផ្សាយនៅថ្ងៃទី១៦ មករា ។#លោកណាអូតូ កាន បានរុះរើគណៈរដ្ឋមន្ត្រីរបស់លោកកាលពីថ្ងៃទី១៤ មករា កន្លងមក ដើម្បីធ្វើឱ្យគណបក្សប្រឆាំងស្ងប់ចិត្ត និងជួយជំរុញកិច្ចខិតខំប្រឹងប្រែងរបស់លោកក្នុងការស្តារវិបត្តិហិរញ្ញវត្ថុរបស់ប ្រទេស និងជំរុញការកើនឡើងនូវការធ្វើពាណិជ្ជកម្មសេរី ។#ការរុះរើគណៈរដ្ឋមន្ត្រីរបស់លោកនាយករដ្ឋមន្ត្រីណាអូតូ កាន កាលពីថ្ងៃទី១៤ មករា កន្លងមក ធ្វើឱ្យការគាំទ្រលោកកើនឡើងដល់៣៤ភាគរយ ពី២៥ភាគរយកាលពីខែធ្នូកន្លងមក ។ នេះបើយោងតាមការស្ទាបស្ទង់មតិមួយក្នុងចំណោមអ្នកមានសិទ្ធិបោះឆ្នោត១.៧៣៦នាក់ ដែលរៀបចំឡើងកាលពីថ្ងៃទី១៥ មករា កន្លងមក ។ ប៉ុន្តែទោះបីជាបែបណា អ្នកបោះឆ្នោតនៅតែមិនរំពឹងថា លោកនាយករដ្ឋមន្ត្រីណាអូតូ កាន អាចឆ្លងផុតកំណែទំរង់ដូចការសន្យារបស់លោកឡើយ ។#ជប៉ុនគ្រោងរៀបចំការបោះឆ្នោតទូទៅនៅឆ្នាំ២០១២ ខាងមុខនេះ ៕