ការសិក្សារបស់ជប៉ុនមួយដែលធ្វើដោយក្រសួងសុខាភិបាលលាតត្រដាងពីតួលេខគួរឱ្យភ្ញាក់ផ្អើលម ួយ ។ យោងតាមការសិក្សាវាហាក់ជាពួកយុវជនពេញកំលាំងជប៉ុនចាប់អារម្មណ៍តិចដល់ការរួមភេទ ។ នៅជប៉ុនក្រសួងសុខាភិបាលបើកធ្វើកាលពីឆ្នាំ២០១០ នូវការសិក្សាធំទូលាយមួយលើការរួមភេទរបស់ពួកយុវជន ។ ក្នុងចំណោមមនុស្ស២.៦៩៣នាក់ ដែលគេបានសាកសួរយុវជនតែ១.៥៤០នាក់ប៉ុណ្ណោះឆ្លើយថា មានការចាប់អារម្មណ៍ខ្លាំងលើការរួមភេទ ។ ពួកយុវវ័យមានអាយុរវាងពី១៦ ទៅ១៩ឆ្នាំ ដែលគេបានសាកសួរភាគច្រើននិយាយថា មិនសូវចាប់អារម្មណ៍ចំពោះការរួមភេទ ។ ក្មេងប្រុស៣៦% និងក្មេងស្រី៥៨,៥% និយាយថា មិនចាប់អារម្មណ៍ចំពោះសិច ។ សំរាប់នារី៣៣% មានអាយុពី២៥ ទៅ២៩ឆ្នាំនិយាយថា ពុំត្រេកត្រអាលលើរឿងសិច ។ ចំណែកប្តីប្រពន្ធ៤១% និយាយថា ពុំបានរួមភេទជាមួយគ្នាម្តងផងយ៉ាងតិចមួយខែមុនពេលមានការសិក្សានេះ ។#បណ្តាយុវវ័យជប៉ុននិយាយថា ការបាត់ចំណង់ផ្លូវភេទមកពីការលំបាកខាងសេដ្ឋកិច្ច និងការហត់នឿយ ក្រោយពីការបំពេញការងារ ឬការសិក្សាយ៉ាងយូរប្រចាំថ្ងៃ ។ បញ្ហាអនាគតធ្វើឱ្យពួកគេមានការព្រួយបារម្ភជាងការរួមសិច ។#ជាមួយនឹងប្រជាជនដែលមានមនុស្សចាស់តែច្រើនជប៉ុនពេលនេះជួបប្រទះនឹងបំណុលសាធារណៈតំណាងឱ្យ ២០០% នៃផលទុនជាតិសរុប ហើយអត្រាកំណើតមានត្រឹមតែ១,៣សំរាប់នារីម្នាក់ ។ គេត្រូវការនារីម្នាក់មានអត្រាកូន២,១ ដើម្បីធ្វើឱ្យប្រជាជនជប៉ុនមានមនុស្សវ័យក្មេងច្រើនឡើងវិញ ។# អ្នកជំនាញការខាងផែនការគ្រួសារជប៉ុននិយាយថា អវត្តមាននៃទំនាក់ទំនងផ្លូវភេទ និងការចុះថយនៃកំណើតគឺទាក់ទិនដល់បញ្ហាខាងលើនេះ ។ ដូច្នេះការធ្វើឱ្យពួកយុវជនជប៉ុនមានចំណង់ផ្លូវភេទគឺជាទិសដៅមួយក្នុងចំណោមទិសដៅរបស់ពួកអ ្នកនយោបាយជប៉ុននាបណ្តាឆ្នាំខាងមុខ ៕