Apple កំពុងតែជួបប្រទះរឿងស្មុគស្មាញដ៍ធំ ពេលដែល iPhone 5 ផុយនឹងរបកទឹកថ្នាំពេលមានការប៉ះទង្គិច។ ទន្ទឹមនឹងនោះ មានមួយចំនួនបានរបកទឹកថ្នាំ តាំងពីបើកប្រអប់ដំបូងមកម្ល៉េះ។
កត្តានេះបានធ្វើឲ្យអតិថិជនមានអារម្មណ៍ខឹងសម្បារយ៉ាងខ្លាំង។ តាមអ្នកជំនាញបានធ្វើការបញ្ជាក់ថាសំបក iPhone 5 បានស្រោបដោយលោហធាតុអាលុយមីញ៉ូម Anodize ជាលោហធាតុទន់ ស្តើង ដែលងាយនឹងមានស្នាមឆ្កូត រឺរបកទឹកថ្នាំ ពិសេសនៅត្រង់គែមៗនៃទូរស័ព្ទ។
សំដីឆ្លើយតប Email របស់ Philip Schiller ទៅអតិថិជន
តាមគេហទំព័រ 9to5Mac.com បានឲ្យដឹងថា, អតិថិជនម្នាក់មានឈ្មោះថា Alex បានផ្ញើ email ទៅលោក Philip Schiller, អនុប្រធានទទួលបន្ទុកផ្នែកទីផ្សារទូទាំងពិភពលោករបស់ក្រុមហ៊ុន Apple។ គាត់បានត្អូញត្អែរថា iPhone 5 ដែលគាត់ទើបតែនឹងទិញកំពុងជួបបញ្ហាលេចចេញនូវការរបកទឹកថ្នាំហើយបានសួរទៅ Apple មានវិធានការអ្វីសំរាប់ដោះស្រាយបញ្ហានេះរឺក៍អត់។
រឿងភ្ញាក់ផ្អើលមួយបានកើតឡើង ពេលដែល Philip Schiller ឆ្លើយតប email ដោយសរសេរយ៉ាងខ្លីថា: “គ្រប់ផលិតផលទាំងអស់ដែលធ្វើអំពីអាលុយមីញ៉ូម សុទ្ធតែអាចរបកថ្នាំ រឺមានស្នាមឆ្កូតពេលត្រូវបានប្រើប្រាស់ ហើយលេចចេញនូវពណ៌ទឹកប្រាក់ ដែលជាពណ៌ដើមរបស់វា។ នេះគឺជារឿងធម្មតា”។ មនុស្សជាច្រើនបានសម្តែងនូវការមិនពេញចិត្ត ទៅលើការឆ្លើយតបរបស់លោកអនុប្រធានទីផ្សារម្នាក់នេះ។
តើប្រិយមិត្តទាំងអស់គ្នាយល់ឃើញយ៉ាងណាដែរ នៅពេលដែលអនុប្រធានទទួលបន្ទុកផ្នែកទីផ្សារទូទាំងពិភពលោករបស់ក្រុមហ៊ុនដែលមាន Brand Name ដ៏ល្បី ឆ្លើយតបយ៉ាងដូច្នេះទៅអតិថិជនលើផលិតផលមួយដែលគេគាំទ្រយ៉ាងខ្លាំង ហើយមានតំលៃដល់ទៅជាង 1000 USD ទៅហើយនោះ?
ដោយ៖ សិលាប្រភព៖ K14 & zng