អាមេរិក៖ ថ្មីៗនេះសហរដ្ឋអាមេរិក បានបង្កើតនូវម៉ាស៊ីនបោសធូលីផ្ទះដ៏អស្ចារ្យមួយ ពោលគឺម៉ាស៊ីននេះត្រូវបានរចនាឡើង មាស ដែលមានទំងន់ ២៤ គីឡូក្រាម និងដាក់លក់ក្នុងតំលៃដល់ទៅ ១លានដុល្លារ។
លោក Stin Haver ជាអនុប្រធានលក់ទីផ្សារបាននិយាយថា វាពិតជាមិនគួរអោយជឿទេដែលម៉ាសំអាតធូលីផ្ទះ មានឈ្មោះថា GoVacuum GV62711 បានដាក់លក់ក្នុងតំលៃមួយខ្ពស់បំផុតក្នុងពិភពលោក ពោលគឺ ១លានដុលា្លរ។ លោកបានបន្ដថា ទោះជាយ៉ាងណាក៏ដោយ ថ្មីនេះក៏មានមនុស្សពីនាក់ ដែលមកពីរដ្ឋ Las Vegas បានទិញវាយកទៅប្រើប្រាស់ផងដែរ។
លោក Stin Haver បានបន្ថែមទៀតថា ថ្វីត្បិតម៉ាស៊ីននេះថ្លៃមែន តែវាជាម៉ាស៊ីនស័្វយប្រវត្តិដែលអាចជួយសំអាតផ្ទះលោកអ្នកបានល្អ និងមានភាពងាយស្រួលទៀតផង។សម្រាប់អ្នកមានមួយចំនួនគេគិតថា របស់កាន់តែថ្លៃ គឺគេកាន់តែចង់ប្រើ។នេះជាវីដេក្លីបបង្ហាញពីម៉ាស៊ីន GoVacuum GV 62711 សូមចុចដើម្បីមើល៕
ដោយ៖ សារិនប្រភព៖ dailymail