អាជ្ញាធរក្រិចរាយការណ៍ថា នាវាមួយគ្រឿងដែលដឹកពួកអន្តោប្រវេសន៍លួចលាក់២៦៣នាក់ បានលិចនៅភាគខាងលិចនៃកោះ CORFOU បណ្តាលឱ្យមនុស្ស២២នាក់បាត់ខ្លួន ។#កងឆ្មាំឆ្នេរសមុទ្រក្រិចនិយាយថា បានទទួលការផ្តល់សញ្ញាអាសន្នកាលពីយប់ថ្ងៃទី១៥ មក ១៦ មករា ពីអ្នកដំណើរម្នាក់ជិះនាវាឈ្មោះ HASAN REIS នោះ ដែលថា នាវាកំពុងស្ថិតក្នុងគ្រោះថ្នាក់ ក៏ប៉ុន្តែខ្យល់បោកបក់ខ្លាំងបានរារាំងដល់ពួកអ្នកជួយសង្គ្រោះពុំអាចចេញដំណើរទៅក ាន់សមុទ្រភ្លាមៗ បន្ទាប់ពីទទួលបានការស្នើឱ្យជួយ ។ មនុស្សទាំងឡាយត្រូវបានជួយសង្គ្រោះដោយនាវាកាហ្គោហុល្លង់មួយគ្រឿង ប្រមាណជា៧ម៉ោងក្រោយនាវាចាប់ផ្តើមលិច ។ កាពីតែននាវានិយាយថា មនុស្ស២៤១នាក់ បានឡើងមកលើនាវាកាហ្គោ ។ ការរុករកតាមឧទ្ធម្ភាគចក្រពុំអាចរកឃើញក្នុងសមុទ្រនូវអ្នករស់រានមានជីវិតណាម្នាក់ ឡើយ ៕