ប្រមុខក្រុមហេសប៊ុលឡាហ៍លីបង់លោកសៃ យេដ ហាសាន់ ណាស្រាលឡាហ៍ ថ្លែងកាលពីថ្ងៃ ទី១៦ មករា ថា ចលនាស៊ីអ៊ីតរបស់លោក និងសម្ព័ន្ធមិត្តនឹងពុំគាំទ្រនាយករដ្ឋមន្ត្រីលីបង់ បណ្តោះអាសន្នលោកសាអាដ ហារីរី ឡើយ ក្នុងការខិតខំប្រឹងប្រែងដើម្បីបង្កើតរដ្ឋាភិបាលថ្មី មួយក្នុងការពិគ្រោះពិភាក្សានានាដែលត្រូវធ្វើនាថ្ងៃទី១៧ មករា ។ ដោយបដិសេធមិននិយាយពីមនុស្សដែលក្រុមនេះនឹងគាំទ្រលោកណាស្រាលឡាហ៍គូសបញ្ជាក់ថា ក្រុមប្រឆាំងបានឯកភាពគ្នាមិនជ្រើសរើសលោកហារីរីជាបេក្ខជនសំរាប់តំណែងនាយករដ្ឋមន្ត្រីទៀតឡ ើយ ។#រដ្ឋាភិបាលឯកភាពជាតិរបស់លោកសាអាដ ហារីរី បានដួលរលំកាលពីថ្ងៃទី១២ មករា កន្លងមកនេះ បន្ទាប់ពីការដកខ្លួនថយចេញរបស់បណ្តារដ្ឋមន្ត្រីជាសមាជិករបស់ក្រុមហេសប៊ុលឡាហ៍ និងរបស់បណ្តាគណបក្សជាសម្ព័ន្ធមិត្ត ។# ប្រធានាធិបតីលីបង់លោកមីសែល ស៊ូឡី ម៉ាន បានស្នើដល់សភាឱ្យធ្វើការពិភាក្សានាថ្ងៃទី១៧ មករា អំពីការបង្កើតរដ្ឋាភិបាលថ្មីមួយ ។បន្ទាប់ពីការពិគ្រោះពិភាក្សាគ្នារវាងបណ្តាសមាជិកសភានៃគ្រប់និន្នាការនយោបាយ ប្រធានាធិបតីនឹងស្នើដល់នាយករដ្ឋមន្ត្រីមួយរូបឱ្យបង្កើតរដ្ឋាភិបាលថ្មីមួយ ៕
