ព័ត៌មានអន្តរជាតិ ៖  ជាការពិត  បន្ទាប់ពីទទួលបានជាព័ត៌មានថា  ទឹកសមុទ្រកោះ Java ប្រ ទេសឥណ្ឌូនេស៊ី ត្រូវបានបំពុលដោយសារតែកត្តាមនុស្សហើយនោះ ពោលគឺ​ ផ្ទៃទឹកសមុទ្រ ទាំងមូលពោរពេញទៅដោយសម្រាម និងកំទេចកំទី លោក  Zak Noyle  ដែលជាអ្នកជំនាញ ថតរូបម្នាក់ និងបុរសជាអ្នកជំនាញជិះស្គីក្ការលើទឹកម្នាក់ផ្សេងទៀត មានឈ្មោះលោក Dede Surinaya ទាំងពីរនាក់បានធ្វើដំណើរកំសាន្តទេសចរណ៍  ចុងក្រោយរបស់ខ្លួន  ទៅកាន់ប្រជុំ កោះមួយនេះ ដើម្បីផ្តិតយករូបភាពពិតៗ នៃការបំផ្លាញ  នេះបើយោងតាមការដកស្រង់អត្ថ បទផ្សាយ ពីគេហទំព័រសារព័ត៌មានបរទេស huffingtonpost ។

width=443

វាពិតជាឆ្គួតខ្លាំងណាស់   ខ្ញុំបានឃើញសម្រាមរាយប៉ាយពេញទាំងផ្ទៃទឹកទាំងអស់  លោក Noyle បានផ្តល់ជាកិច្ចសម្ភាសន៍ដល់ប៉ុស្តិ៍ទូរទស្សន៍  GrindTV  ។  ខ្ញុំបាទពិតជារអើមខ្លាំង ណាស់ នៅពេលដែលឃើញទិដ្ឋភាពមិនចុះភ្នែកមួយនេះ។

ដោយឡែក បើយើងងាកក្រឡេកទៅមើល រូបភាពដែលបានប្រមាញ់ជាប់លោក Surinayaលេងកីឡាជិះស្គីរំអិលលើរលកវិញ ច្បាស់ណាស់  យើងពិតជាបានឃើញ  សំរាម ក៏ដូចជាកំទេចកំទីជាច្រើន នាំយកជាមួយគ្នានោះដែរ ជាមួយនឹងទឹករលក។

width=438

គួររំឭកផងដែរថា ឥ    ណ្ឌូនេស៊ីជាប្រទេសមួយ  ដែលប្រមូលផ្តុំទៅដោយប្រជុំកោះដល់ទៅ១៧,០០០ កោះ  ខណៈបញ្ហាសំរាមគឺជាកត្តាបំពុលទឹក ដ៏ចម្បងមួយដ៏គួរអោយព្រួយបារម្ភមជ្ឈមណ្ឌលគ្រប់គ្រងសំរាមមួយចំនួន    មិនទាន់មានលទ្ធភាពគ្រប់គ្រាន់   នៅក្នុងការទុកដាក់កាកសំនល់     អោយបានសមរម្យនៅឡើយនោះទេ  ដែលជាចលករ ជំរុញអោយក្រុមមនុស្ស បែកគំនិតនាំយកកាកសំនល់របស់ខ្លួនទៅចាក់តាមផ្លូវ   ក៏ដូចជាចាក់ចូលទន្លេឬក៏សមុទ្រជាដើម។

width=440

ផ្ទុយទៅវិញ បើយោងតាមទស្សនាវដ្តី Time magazine គូសបញ្ជាក់អោយដឹងថាជាមួយនឹងការធ្វេសប្រហែស ក៏ដូចជាការយល់ដឹងទាប  និង  ប្រពៃណីនៃការមិនអើពើមួយនេះហើយ ដែលបានញ៉ាំងអោយមានការបោះចោលកាកសំណល់តែផ្តេសតែផ្តាស និងកើតមានឡើងនូវវិបត្តិមួយនេះតែម្តង។ ទន្ទឹមនឹងនេះ បើយោងតាមសម្តីលោក Anna Cummins ស្ថាបនិក មកពីអង្គការក្រៅរដ្ឋាភិបាលមិនរកប្រាក់ចំណូល    5 Gyres​ អោយដឹងថា  ការខ្វះការយល់ដឹង មិនត្រូវបានស្តីបន្ទោសជារៀងរាល់ពេលនោះទេ  តែបើយោងតាមការធ្វើបទសម្ភាសន៍ ក្រុមមនុស្សមួយចំនួនក៏ចង់រក្សាទុកវា   អោយបានត្រឹមត្រូវដូច្នេះដែរ  តែមិនមាន ចំណាត់ការ មូលដ្ឋានណាមួយចាត់ឡើងអោយបានសមស្របក្នុងការប្រមូលសំរាមនោះទេ  ។ មិនខ្វល់ថាភាគីខាងណាខុស ឬត្រូវនោះទេ     តែវាពិតជាមានផលប៉ះពាល់ជាខ្លាំង  ដល់ក្រុមមនុស្សរស់នៅក្នុងតំបន់    ក៏ដូចជាធ្វើដំណើរកំសាន្តមក ទីនេះក៏ព្រោះតែបរិយាកាសដ៏គួរអោយខ្លាចមួយនេះ លោក  Mark Lukach  បានសរសេរនៅលើគេហទំព័រ  Inertiaពណ៌នាពីការខកចិត្តក្នុងដំណើរកំសាន្តរបស់ខ្លួនជាលើកដំបូងខណៈមកលេងកោះ Lombok ៕

គួរយល់ដឹង ៖ អត្ថបទខាងលើ ជាឧទាហរណ៍ជាក់ស្តែង ដូច្នេះ  សង្ឃឹមថា  វាគឺជាបទពិសោធន៍មួយដ៏ល្អ សម្រាប់បងប្អូនប្រជាពលរដ្ឋខ្មែរយើង គួរណាមានការយកចិត្តទុកដាក់អោយបានខ្ពស់ ក្នុងការរក្សាទុកនូវកាកសំណល់បើមិនដូច្នេះទេ វានឹងមានផលប៉ះពាល់ជាខ្លាំង ដោយប្រយោល និងដោយផ្ទាល់ ជាពិសេសមានផលប៉ះពាល់ជាខ្លាំង ដល់វិស័យទេសចរណ៍ជាតិ ។   ត្រូវមានការយល់ដឹង  អោយបានល្អទាំងអស់គ្នាណា៎ ៕

* ព័ត៌មានអន្តរជាតិ មួយចំនួនផ្សេងទៀត មាននៅទីនេះ ៕

 

ដោយ ៖ មង្គលប្រភព ៖ huffingtonpost