កងទាហានម៉ារីន និងកងនាវាចំបាំងជាតិនឹងចាប់ផ្តើមធ្វើរួមគ្នានូវសមយុទ្ធយោធាមួយនាចុងសបា្តហ៍នេះ ដោយផ្អែកលើសេណារីយ៉ូ នៃការដាក់ទ័ពតាមនាវាគួរឱ្យភ្ញាក់ផ្អើលរបស់កូរ៉េខាងជើងលើកោះ៥ស្ថិតនៅជិតព្រំដែនស មុទ្រក្នុងសមុទ្រលឿងសមយុទ្ធយោធាប្រភេទនេះលើកដំបូងនឹងមានរយៈពេល២ថ្ងៃ គឺថ្ងៃទី៧ និងទី៨ មករា ជាមួយនឹងការប្រមូលកំលាំងពិសេសមួយ និងឧបករណ៍យោធាទាំងឡាយ។ អ្នកទទួលខុសត្រូវម្នាក់នៃសេនាធិការដ្ឋានកងទ័ពកូរ៉េខាងត្បូងបញ្ជាក់ថា សមយុទ្ធនាចុងសបា្តហ៍នេះនឹងអាចឱ្យបណ្តាមេបញ្ជាការកងម៉ារីនជាតិ និងកងទាហានម៉ារីនដាក់ពង្រាយកំលាំងនៅលើគោកពេលធ្វើសមយុទ្ធរួមគ្នា។ សមយុទ្ធនេះបែងចែកជា៣ផ្នែកផ្សេងៗគ្នា គឺ សមយុទ្ធដាក់ទ័ពនៅកោះ BAEGNGNYEONG សមយុទ្ធដាក់ទ័ពលើកោះ YEONPYEONG និងសមយុទ្ធបែបការវាយប្រហារលើកោះ២ទៀត តែមួយលើកពីសំណាក់កងទ័ពកូរ៉េខាងជើង។ សមយុទ្ធទាំងនេះសំដៅកែលំអការបញ្ចេញប្រតិកម្មរហ័សក្នុងករណីមានការវាយប្រហារ ឬការជ្រៀតចូលមិនឱ្យដឹងខ្លួនលើបណ្តាកោះស្ថិតនៅក្បែរព្រំដែនសមុទ្រក្នុងសមុទ្រ លឿង៕
