ព័ត៌មានអន្តរជាតិ ៖ ក្រុមមនុស្សច្រើនជាង ៥០ នាក់ បានទទួលរងរបួសធ្ងន់ និងស្រាលខណៈរថយន្តប៊ើស ដឹកពួកគេដែលជាអ្នកលេងល្បែង ទៅកាន់កាស៊ីណូ Las Vegas បានក្រឡាប់នៅតាមផ្លូវ នៅឯភាគខាងត្បូង រដ្ឋ California សហរដ្ឋអាមេរិក នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស ស្កាយ ។
ជាការពិត រថយន្តក្រុងមួយនេះ បន្ទាប់ពីមានការបើកបរដោយមិនបានប្រុងប្រយ័ត្ន ក៏បានបើកធ្លាក់ផ្លូវមួយកន្លែង និង ផ្អៀងទៅរកផ្នែកម្ខាងនៃផ្លូវរថរបស់រថភ្លើង ។ យ៉ាងណាមិញយោងតាមសម្តី លោក Cheryl Sims ជាមន្រ្តីផ្លូវការ មកពីនាយកដ្ឋានភ្នាក់ងារសង្គ្រោះបន្ទាន់ពន្លត់អគ្គីភ័យ បានអះអាងអោយដឹងថា ក្នុងចំណោចជនរងគ្រោះទាំងអស់ ក្នុងនោះ មានជនរងគ្រោះ៦ នាក់ ត្រូវបានបញ្ជូនទៅកាន់មន្ទីរពេទ្យ ដើម្បីសង្គ្រោះបន្ទាន់ តាមរយៈជើងហោះហើរ។
ដោយឡែក បើនិយាយពីចំនួនមនុស្សដែលធ្វើដំណើរនៅលើរថយន្តប៊ើសមួយគ្រឿងនោះមិនទាន់បានដឹងជាក់ច្បាស់ នៅឡើយនោះទេ ខណៈរថយន្តមួយគ្រឿងនេះ ជាកម្មសិទ្ធរបស់ក្រុមហ៊ុនភ្នាក់ងារទេសចរណ៍ Da Zhen Travel Agency មានទីតាំងនៅឧទ្យានជាតិMonterey Park ជាយក្រុង Los Angeles ៕
* ព័ត៌មានមួយចំនួនផ្សេងទៀត ដែលទើបតែនឹងកើតឡើង មាននៅខាងក្រោម ៖
- ចម្លែកៗ ៖ ខ្នើយកើយ រាង ភ្លៅ ស្រីស្អាត ល្បីអស់ទាស់ នៅជប៉ុន- យុវតីវ័យ ២០ ឆ្នាំ ត្រូវបានឆ្លាមសមុទ្រ វាយប្រហារដាច់ដៃស្តាំ ខណៈនេះ បានស្លាប់បាត់ទៅហើយ- ខ្លោចចិត្ត ៖ ១៦ នាក់រងរបួស ខណៈ ៣៧ នាក់ស្លាប់ ក្រោយរថយន្តប៊ើស បោលចូលជ្រោះជ្រៅ ជម្រៅ ៦០ ម៉ែត្រ
ដោយ ៖ រិទ្ធីប្រភព ៖ ស្កាយ