ភ្នំពេញ ៖ កម្មកររោងចក្រ កាត់ដេរម្នាក់ ត្រូវបានកម្លាំង សមត្ថកិច្ចមូល ដ្ឋានចាប់វាយ ខ្នោះកសាងសំណុំរឿង បញ្ជូនទៅកាន់សាលា ដំបូងរាជធានីភ្នំពេញ ដោយជាប់ពាក់ព័ន្ធនិង អំពើសេពសន្ថវៈមិនបានសម្រេចមួយ បាន កើតឡើងទៅលើនារីកម្មការិនីកាត់ដេរដែល កំពុងដេកសណ្ដប់ភួយ នៅក្នុងផ្ទះជួលជាមួយ ប្អូនស្រីរបស់ខ្លួន ។
ករណីរំលោភសេពសន្ថវៈមិនបានសម្រេច ខាងលើនេះ បានបង្កឱ្យមានការភ្ញាក់ផ្អើល ហើយឈានទៅដល់ការប្ដឹងសមត្ថកិច្ចឱ្យមក ចាប់ខ្លួនជនល្មោភកាមខាងលើនេះ បានកើត ឡើងកាលពីវេលាម៉ោង១២និង២០នាទីយប់ រំលងអាធ្រាត្រឈានចូលថ្ងៃទី៤ ខែកុម្ភៈ ឆ្នាំ ២០១៣ ស្ថិតនៅក្នុងផ្ទះជួល ភូមិចំការឪឡឹក សង្កាត់កាកាប ខណ្ឌពោធិ៍សែនជ័យ រាជធានី ភ្នំពេញ ។
យោងតាមប្រភពព័ត៌មានពីសមត្ថកិច្ច មូលដ្ឋានបានឱ្យដឹងថា ជនល្មោភកាមដែល ស្ថិតក្នុងការឃុំខ្លួនជាបណ្ដោះអាសន្ននៅអធិការ ដ្ឋាននគរបាលខណ្ឌពោធិ៍សែនជ័យ ដើម្បី កសាងសំណុំរឿងបញ្ជូនទៅតុលាការខាង លើនេះ មានឈ្មោះណាត ប៊ុនណាង អាយុ ២៣ឆ្នាំ មុខរបរជាកម្មកររោងចក្រកាត់ដេររស់នៅផ្ទះជួល ក្នុងភូមិភ្នំពេញថ្មី សង្កាត់ភ្នំ ពេញថ្មី ខណ្ឌសែនសុខ ។ ដោយឡែកនារី រងគ្រោះមានឈ្មោះស.ស.វ ស្នាក់នៅផ្ទះជួល ក្នុងភូមិទ្រា៤ សង្កាត់ស្ទឹងមានជ័យ ខណ្ឌមាន ជ័យ មុខរបរជាកម្មករកម្មការិនី ។
បើតាមសមត្ថកិច្ចបានឱ្យដឹងទៀតថា មុន ពេលកើតហេតុនារីរងគ្រោះដោយសារតែជា ថ្ងៃឈប់សម្រាកព្រោះចូលរួមព្រះរាជពិធី កាន់មរណទុក្ខនៃព្រះរាជពិធីបុណ្យ ព្រះបរម សពរបស់សម្ដេចឪនោះ នារីរងគ្រោះបានធ្វើ ដំណើរមកលេងផ្ទះប្អូនស្រីរបស់ខ្លួន ដែលជា កម្មការិនីកាត់ដេរ រស់នៅផ្ទះជួលក្នុងភូមិចំការ ឪឡឹក សង្កាត់កាកាប ខណ្ឌពោធិ៍សែនជ័យ។
សមត្ថកិច្ចបានបន្ដថា គាប់ជួននៅថ្ងៃនោះ ជនល្មោភកាមក៏បានមកលេងផ្ទះរបស់ខ្លួន ដែលស្នាក់នៅជាប់បន្ទប់នារីរងគ្រោះ ។ លុះ ម៉ោងកើតហេតុ ដោយសារតែភ្លេចដាក់គន្លឹះ សោទ្វារ ជនល្មោភកាមក៏យកដៃច្រានទ្វារ ក៏ឃើញនារីរងគ្រោះកំពុងដេកសណ្ដប់ភួយ ជាមួយប្អូនស្រី ។ ដោយសារតែអំណាចស្រឡាញ់ប្អូនស្រីបានធ្វើឱ្យជននេះបែកគំនិតប៉ង ចាប់រំលោភ ប៉ុន្ដែដោយសារតែជនរងគ្រោះ ទាំងពីរកំពុងដេកសណ្ដប់ភួយជិត និងងងឹត ផងនោះ មិនដឹងថា នរណាម្នាក់ជាប្អូនស្រី ដែលជាមនុស្សខ្លួនស្រឡាញ់ ក៏ចាប់សង្គ្រប់ពី លើ ស្រាប់តែប៉ះបងស្រីបណ្ដាលឱ្យមានការ ភ្ញាក់ផ្អើលនិងស្រែកឆោឡោពីសំណាក់នារី រងគ្រោះ ។
បន្ទាប់ពីមានករណីនេះកើតឡើង ជនបង្ក ដែលចាត់ទុកថា មិនមានរឿងអ្វីកើតឡើង នោះ ក៏ចូលទៅដេកក្នុងបន្ទប់មិត្ដភក្ដិរបស់ ខ្លួនធ្វើព្រងើយ ដោយគ្មានខ្លាចរអែងបន្ដិច ណាឡើយ ។ ដោយឡែកនារីរងគ្រោះពីរ នាក់បងប្អូន បានរាយការណ៍ទៅសមត្ថកិច្ច មូលដ្ឋាន ហើយកម្លាំងសមត្ថកិច្ចបានចុះមក ឃាត់ខ្លួនជនសង្ស័យរូបនេះតែម្ដងទៅ។
បច្ចុប្បន្នជនល្មោភកាមខាងលើ ត្រូវបាន ឃុំខ្លួនជាបណ្ដោះអាសន្ន នៅអធិការដ្ឋាននគរ បាលខណ្ឌពោធិ៍សែនជ័យ ដើម្បីកសាងសំណុំ ទៅកាន់តុលាការ ចាត់ការតាមច្បាប់ ៕