ការរត់ជាន់គ្នាមួយបណ្តាលឱ្យមនុស្សស្លាប់១០នាក់ក្នុងពេលយប់បុណ្យឆ្លងចូលឆ្នាំថ្មីឆ្នាំសា កលក្នុងបារមួយស្ថិតនៅភាគ ខាងជើងអាហ្វ្រិកខាងត្បូង ។ ប៉ូលិសមូលដ្ឋានបានលើកទៅកាន់បារដ៏មានប្រជាប្រិយមួយនៃទីក្រុង IPE-LEGENG ជាទីក្រុងតូចមួយស្ថិតនៅចំងាយប្រមាណជា២០០គ.មខាងលិចទីក្រុងចូហាន ណេស្បួរ ក្នុងខេត្ត NORTH WEST ។#ពេលមកដល់បារនោះនាវេលាម៉ោង២ និង១៥នាទីរំលងអធ្រាត្រប៉ូលិសបានជួបនឹងការរត់ជាន់គ្នាមួយហើយមនុស្ស១០នាក់ស្លាប់ ។ ការស៊ើបអង្កេតមួយត្រូវបានបើកធ្វើដើម្បីកំណត់ពីមូលហេតុនៃគ្រោះថ្នាក់នេះ ដែលកើតមាននៅទីលានរាំតែម្តង ។ យោងតាមវិទ្យុរដ្ឋ SAFM ថា ការជាន់គ្នានេះកើតឡើងពេលភ្ញៀវទាំងឡាយរត់ប្រជ្រៀតគ្នាទៅរកច្រកចេញគេចចេញពីការឈ្លោះគ្នាដ ែលផ្ទុះឡើងក្នុងបារ ។ អាជ្ញាធរតំបន់អំពាវនាវភ្លាមៗឱ្យរកមុខអ្នកទទួលខុសត្រូវ៕