ព័ត៌មានអន្តរជាតិ ៖ គួរបញ្ជាក់ ប៉ូលីសក្រុងហុងកុង កំពុងតែរៀបចំ ក្នុងការបោស សម្អាតក្រុមបាតុករ ជាសិស្ស និស្សិត ដែលបានបិទបណ្តាផ្លូវជាច្រើន នៅក្នុងក្រុង រយៈពេលច្រើនជាង ២ ខែមកនេះ ។
ប្រភពសារព័ត៌មានពីទំព័រ ប៊ីប៊ីស៊ី អោយដឹងថា អាជ្ញាធរ បានធ្វើការព្រមានដល់ក្រុមបាតុករអោយចាក ចេញ ដូច្នេះ ប៉ូលីស នឹងអាចសម្អាតបាននូវទីតាំងបោះជំរុំ ក៏ប៉ុន្តែ ក្រុមបាតុករ បាន ប្តេជ្ញាថាខ្លួននៅតែ បន្តមានវត្តមាននៅទីនោះ ។ ដោយឡែក សេចក្តីរាយការណ៍ បញ្ជាក់អោយដឹងថា ចំនួនក្រុមបាតុករ បានធ្លាក់ចុះមកនៅត្រឹមតែចំនួន រាប់រយនាក់ ពោលធ្លាក់ពីចំនួន មួយម៉ឺននាក់ កាល ពីផ្ទុះការតវ៉ា ជា លើកដំបូងអំឡុងខែកញ្ញាកន្លងទៅនេះ ។ ក្នុងនោះ អាជ្ញាធរក្នុងស្រុក បានប្រកាស ផ្តល់ ថេរវេលាយូរ បំផុតក្នុងការចាកចេញគឺនៅម៉ោង 09:00 (01:00GMT) ។
អ្នកឆ្លងឆ្លើយព័ត៌មានអោយទំព័រ ប៊ីប៊ីស៊ី មានវត្តមាននៅក្នុងទីក្រុង ហុងកុង សរ បញ្ជាក់អោយដឹងថា ក្រុមមន្រ្តីប៉ូលីសបានបន្ថែមកម្លាំង មានវត្តមានកាន់តែច្រើនឡើងៗ នៅទីតាំងផ្ទុះ ការតវ៉ា ក្នុងនោះ គេ ឃើញមានតម្រួតមណ្ឌល អាចចេញនូវការព្រមានលើកចុងក្រោយ អោយក្រុមបាតុករធ្វើការចាកចេញ
គួររំឮកថា ករណីផ្ទុះការតវ៉ាលើកនេះ អាចកើតឡើងទៅបាន ដោយក្រុមបាតុករ ទាម ទារ ចង់បានពី រដ្ឋាភិបាលទីក្រុងប៉េកាំង អនុញ្ញាតអោយមានការបោះឆ្នោតសេរី នាឆ្នាំ ២០១៧ ខាង មុខនេះ សម្រាប់ ការរើសមេដឹកនាំក្នុងក្រុងហុងកុង ក៏ប៉ុន្តែ រដ្ឋាភិបាលប្រទេសចិន អះអាងក្តែងៗអោយដឹងថា អ្នកទាំង អស់គ្នាអាចធ្វើការបោះឆ្នោតបាន ក៏ប៉ុន្តែ គណៈកម្មការគាំទ្រ រដ្ឋាភិបាលក្រុងប៉េកាំង នឹង ពិនិត្យលម្អិត ទៅលើបេក្ខភាពផ្ទាល់តែម្តង ៕
ប្រែសម្រួល ៖ កុសលប្រភព ៖ ប៊ីប៊ីស៊ី