ប្រធានាធិបតីកូរ៉េខាងត្បូងលោកលីម្យុងបាក់ក្នុងសុន្ទរកថានាឱកាសបុណ្យចូលឆ្នាំថ្មីឆ្នា ំ សាកលថ្លែងថា ទ្វារនៃការចរចាអន្តរកូរ៉េនៅតែបើកចំហដោយគូសបញ្ជាក់ថា គ្មានការបង្កហេតុណាមួយពីសំណាក់កូរ៉េខាងជើងនឹងត្រូវអត់អោនឱ្យឡើយ ។ លោកលីគូសបញ្ជាក់ថា ខ្ញុំរំលឹកប្រាប់កូរ៉េខាងជើងថា មាគ៌ឆ្ពោះទៅរកសន្តិភាពបានបើករួចហើយ ។ ទ្វារនៃការចរចានៅបើកបន្តទៀត។ លោកលីអះអាងនាពេលថ្មីៗកន្លងមកនេះ ពីការគាំទ្ររបស់លោកចំពោះការបើកការចរចាឡើងវិញ ដែលសំដៅរំសាយនុយក្លេអ៊ែរនៅឧបទ្វីបកូរ៉េ ។ លោកបន្តថា ប្រសិនបើកូរ៉េខាងជើងបង្ហាញពីភាពស្មោះត្រង់នោះយើងទាំង២មានឆន្ទៈ និងវិធីសាស្ត្រដើម្បីពង្រឹងឱ្យបានខ្លាំងក្លាបំផុតនូវកិច្ចសហប្រតិបត្តិការសេដ្ឋកិច្ចដ ោយរួមសហការជាមួយសហគមន៍អន្តរជាតិ ។ គេត្រូវផាត់ចោលអាវុធនុយក្លេអ៊ែរ និងការផ្សងព្រេង ខាងយោធា ។ កូរ៉េខាងជើងត្រូវធ្វើសកម្មភាព ដើម្បីសន្តិភាព និងកិច្ចសហប្រតិបត្តិការពុំមែន ត្រឹមតែពាក្យសំដីនោះទេ តែតាមរយៈសកម្មភាពជាក់ស្តែងរបស់ខ្លួន ។ រាល់ការបង្កហេតុពីសំណាក់កូរ៉េខាងជើងដែលអាចគំរាមកំហែងដល់អាយុជីវិត និងភាពរុងរឿងរបស់យើងនឹងមិនមានការអត់អោនឱ្យឡើយ ។ ការបង្កហេតុបែបនេះនឹងទទួលការតបតវិញយ៉ាងម៉ឺងម៉ាត់ និងខ្លាំងក្លាបំផុត ។#ចំណែកកាសែតសំខាន់៣របស់កូរ៉េខាងជើងវិញបានចេញផ្សាយកាលពីថ្ងៃទី១ មករា នូវបទវិចារណាថា រួមមួយនាឱកាសបុណ្យចូលឆ្នាំថ្មី ដោយក្នុងនោះអះអាងជាថ្មីពីឆន្ទៈរបស់ប្រទេសនេះរំសាយនុយក្លេអែរនៅឧបទ្វីបកូរ៉េ ។ បទវិចារណកថារួមនេះនិយាយថា កូរ៉េខាងជើងរក្សាជំហររបស់ខ្លួនហើយចង់បង្កើតសន្តិភាពនៅអាស៊ីភាគឦសានព្រមទាំងរំសាយនុយក្ល េអ៊ែរនៅឧបទ្វីបកូរ៉េ ៕
