អង់គ្លេស៖ បើតាមការអោយដឹងពីគេហទំព័រ ដេលីមែល ដែលបានចេញផ្សាយកាលពីព្រឹកថ្ងៃទី ១៧ កញ្ញានេះថា ក្រុមអ្នកវិទ្យាសាស្ដ្រ ក៏ដូចជាវិស្វកម្មយោធាប្រទេសអង់គ្លេស បានចាប់ផ្ដើមបង្កើតអោយមានរូបរាង នៃនាវាចម្បាំង (Navy) ដ៏ធំបំផុតក្នុងលោកហើយ។
តាមការអោយដឹងពីលោក Asturre អ្នកបង្កើតគម្រោងផលិតនាវានេះឡើង បានអោយដឹងថា នាវាចម្បាំងដ៏ធំមួយនេះ មានឈ្មោះថា HMS Ambush ត្រូវបានផលិតឡើងអស់រយៈពេលជិត២ឆ្នាំហើយ។ នាវាចម្បាំងនេះ មានទំងន់ ៧,៤០០តោន ដោយអាចផ្ទុកទាហ៊ានបានជិត ១០,០០០នាក់ និងអាចផ្ទុកគ្រាប់កំជ្រួចបានជាច្រើនគ្រាប់ទៀតផង។
ផ្នែកខាងក្នុងនៃនាវាលោក Peter Green អាយុ ៤៧ឆ្នាំ ជាមេបញ្ជាការជាន់ខ្ពស់ទាហ៊ានជើងទឹក បាននិយាយថា នាវា HMS Ambush ពិតជាមានឥទ្ធិពលណាស់ ពោលគឺវាអាចធ្វើដំណើរបានចំងាយ ៥០០ miles ក្នុងមួយថ្ងៃ និងអាចបញ្ជា ក្នុងការបាញ់គ្រាប់អោយចំគោលដៅ (hitting target) បានចំងាយរហូតដល់ ១,២០០ miles។ លោកបានបន្ដទៀតថា នាវាចម្បាំងមួយនេះ បានចំណាយថវិការអស់ ១រយកោដិអឺរ៉ូឯណ្ណោះ ហើយនាវានេះទៀតសោត គឺទុកសម្រាប់ការពារដែនដីរបស់ខ្លួនប៉ុណ្ណោះ៕
ដោយ៖ រក្សាប្រភព៖ dailymail