ព័ត៌មានអន្តរជាតិ ៖ កាលពីវេលាល្ងាចម្សិលមិញនេះ ទីភ្នាក់ងារសារព័ត៌មានបរទេស ស៊ិនហួរ បានចេញផ្សាយអត្ថបទអោយដឹងថា ចំនួនអ្នកស្លាប់បាត់បង់ជីវិត ក្រោយពីមានករណីដួលរលំបាក់សំណង់អាគារផ្សារទំនើបមួយកន្លែងមានទីតាំងស្ថិតនៅក្នុងក្រុង Riga ប្រទេស Latvia នោះ បានកើនឡើងដល់ ៥១ នាក់ហើយ។
លើសពីនេះ ប្រភពសារព័ត៌មានដដែលបន្ថែមថា ក្នុងចំណោមអ្នកដែលបានស្លាប់បាត់បង់ជីវិតទាំង ២១ នាក់នោះ ក្នុងនោះ រួមមាន មន្រ្តីពន្លត់អគ្គីភ័យ ៣ នាក់ផងដែរ ។ គួររំឭកដែរថាជាមួយនឹងសោកនាដកម្មរលំបាក់សំណង់អាគារផ្សារទំនើប Maxima ស្ថិតនៅក្នុងក្រុងលើកនេះ បានកើតឡើងកាលពីវេលាល្ងាច ថ្ងៃព្រហស្បត្តិ៍ ម្សិលម្ងៃនេះ។
ដោយឡែក មិនទាន់ច្បាស់នៅឡើយនោះទេ ថាតើ មានមនុស្សប៉ុន្មាននាក់ជាប់គាំងនៅក្រោមគំនរថ្មបាក់រលំទាំងនេះ ស្របពេលដែលកិច្ចអន្តរាគមន៍ ក្នុងការសង្គ្រោះបន្ទាន់ ក្នុងការរុករកស្វែងរកអ្នករស់រានមានជិវិតនៅតែបន្តមាននៅឡើយ។
គួររំឭកផងដែរថា មូលហេតុដែលនាំអោយមានការបាក់រលំដំបូងអាគា រ មុននឹងមានការបាក់រលំសំណង់អាគារផ្សារទំនើបមួយនេះនោះ ពុំទាន់បានដឹងច្បាស់នៅឡើយទេ តែបើតាមការសន្និដ្ឋាន ជាជំហានដំបូង ថាអាចបណ្តាលមកពី ការសាងសង់ខុសបច្ចេកទេសទាក់ទិនទៅនឹង ការស្ថាបនាឡើងសួនច្បារ ដែលពោរពេញទៅដោយរុក្ខជាតិ និងដើមឈើនៅផ្នែកខាងលើនៃសំណង់អាគារផ្សារទំនើបមួយនេះ តែទោះជាយ៉ាងណា ការតាមដានស៊ើបអង្កេតរកមូលហេតុពិតនៃតែបន្តមាននៅឡើយ៕
ប្រែសម្រួល ៖ កុសលប្រភព ៖ ស៊ិនហួរ