ថ្មីៗនេះ បើយោងតាមប្រភពសារព័ត៌មានមួយចំនួនបានអោយដឹងថា រាល់បណ្តាទូរស័ព្ទដៃ Nokia Lumia Smartphone បានភ្ជាប់មកនូវកម្មវិធីពីរដ៏អស្ចារ្យដែលអោយឈ្មោះថា Camera Extras នឹង Contact Share ។
គួរបញ្ជាក់ផងដែរថា កម្មវិធីដ៏អស្ចារ្យទាំងពីរនេះ ត្រូវបានប្រកាសអោយដឹង កាលពីខែមុខនេះហើយ វាត្រូវបានប្រើប្រាស់ តាមបណ្តាប្រទេសមួយចំនួនតែប៉ុណ្ណោះរួមមានដូចជា ៖ សហរដ្ឋអាមេរិក ក៏ដូចជាប្រទេសចិនជាដើម តែមកទល់នឹងពេលនេះ មិនថាលោកអ្នកនៅប្រទេសណា ឬនៅទីណានោះទេ លោកអ្នកក៏អាចទាញយកកម្មវិធីនោះមកប្រើប្រាស់តាមរយៈការ Download ពី Nokia Collection* បានផងដែរ។
បើនិយាយពីកម្មវិធីដ៏អស្ចារ្យទាំងពីរនេះវិញ Camera Extras គឺជាកម្មវិធីមួយដែលធ្វើអោយកាន់តែប្រសើរឡើងនូវរាល់បណ្តាកាម៉េរ៉ា Lumia's Smartphone ទាំងអស់ ពោលគឺវានឹងមានសមត្ថភាពខ្ពស់ក្នុងការផ្តិតយករូបភាពបានយ៉ាងច្បាស់ នឹងល្អឥតខ្ចោះ ជាមួយនឹងមុខងារដ៏ច្រើនដែលមាននៅក្នុងកម្មវិធី Camera Extras មួយនេះ ស្របពេលដែលកម្មវិធី Contact Share បង្កលក្ខណៈងាយស្រួលដល់អ្នកប្រើប្រាស់ទាំងអស់ ក្នុងការចែករំលែកនូវទំនាក់ទំនង តាមរយៈ SMS ក៏ដូចជា email ផងដែរ។
លើសពីនេះទៅទៀត កម្មវីធី Camera Extras ក៏មានមុខងារមួយចំនួនផ្សេងៗទៀតនៅក្នុងនោះដែរដែលមានអត្ថប្រយោជន៍ខ្ពស់សំរាប់អ្នកប្រើប្រាស់ Lumia's Smartphone ទាំងអស់ ដែលមុខងារទាំងអស់នោះរួមមានដូចជា ៖ Smart Group Shot , Action Shot , Panorama នឹង Self-timer ជាដើម ដើម្បីអោយជ្រាបកាន់តែច្បាស់ ថាតើ កម្មវិធីដ៏អស្ចារ្យរបស់ Nokia Lumia Smartphone ទាំងពីរនេះ មានប្រសិទ្ធភាព ក៏ដូចជាមានភាពទាក់ទាញ យ៉ាងណានោះ សូមតាមដានទស្សនានូវវីដេអូឃ្លីបខាងក្រោមនេះ ដូចតទៅ ៖
ដោយ ៖ រិទ្ធីប្រភព ៖ nokia