តារា ៖ យោងតាមប្រភពសារព័ត៌មានកំសាន្តអាស៊ី ដែលបានចេញផ្សាយនាពេលកន្លងទៅបានអោយដឹងថា គ្រប់បណ្តាសារព័ត៌មាន ក៏ដូចជាគេហទំព័រមួយចំនួន មានការភ្ញាក់ផ្អើលយ៉ាងខ្លាំង ស្របពេលដែលតារាស្រីតៃវ៉ាន់ ២ រូប បានថើបគ្នាជាសាធារណៈនៅមុខមហាជន។
គួររំឮកផងដែរថា រឿងដែលជាទីចាប់អារម្មណ៍មួយនេះ បានកើតឡើងកាលពីថ្ងៃទី ១ ខែកញ្ញាក្នុងពិធីចុះហត្ថលេខា នាទីក្រុងតៃប៉ិ។ តារាស្រីតៃវ៉ាន់ ២ រូបនោះត្រូវបានរកអោយឃើញថា ពួកគេមានឈ្មោះ Rainie Yang នឹង នាង Wilber Pan ។
អំឡុងពេលនៃកម្មវិធីចុះហត្ថលេខាមួយនេះ នាង Rainie បានសម្តែងនូវកាយវិការបែបកំប្លែងមួយពោលគឺ នាងបានចាប់ថើបមាត់ នាង Wilber តែម្តងក្នុងចំណោមមុខមហាជនជាច្រើនរយនាក់ ក៏ដូចជាមុខអ្នកគាំទ្ររបស់ពួកគេ ។ គួររំឮកផងដែរថា ក្រោយពីនាង Rainie បានសម្តែងនូវកាយវិការមួយនេះមុខមហាជន នាងក៏បានបញ្ជាក់ប្រាប់សាធារណៈជនផងដែរថា កាលដែលនាងបានធ្វើបែបនេះ មិនមែនជាការបញ្ជាក់អោយឃើញថា នាងស្រឡាញ់ស្រីដូចគ្នានោះទេ តែផ្ទុយទៅវិញ នាងចង់បង្ហាញក្តីស្រឡាញ់របស់នាងចំពោះ Wilber ខណៈពេលដែលពួកគេ គឺជាមិត្តល្អនឹងគ្នាជាយូរមកហើយ។
គួរបញ្ជាក់ផងដែរថា នៅថ្ងៃទី ២៣ នឹង ២៤ ខែកញ្ញាខាងមុននេះ Rainie Yang នឹងទៅសម្តែង Concert ៣ ក្នុងអំឡុងថ្ងៃតែមួយ ដែលនឹងធ្វើឡើងនៅឯ Taipei Neo Studio ៕
ដោយ ៖ ពិសីប្រភព ៖ asiancrunch