ចាប់ខ្លួន ក្រុមជើងកាង ៧ នាក់ ពីបទ សម្លាប់តារាទូរទស្សន៍ល្បី និងជា អតីតបវរកញ្ញាឯក

ព័ត៌មានអន្តរជាតិ ៖​ ក្រុមជើងកាង ដែលគេអាចហៅឈ្មោះបានថា ជាក្រុមបិសាចជញ្ជក់ឈាម មាន សមាជិក ដល់ទៅ ៧ រូប មកទល់នឹងបច្ចុប្បន្ននេះ ត្រូវបានក្រុមមន្រ្តី ប៉ូលីសធ្វើការចាប់ឃាត់ខ្លួនបាន ហើយ ទាក់ទិនពីបទ សម្លាប់បេក្ខភាព អតីតបវរកញ្ញាឯក ប្រទេស វ៉េណេស៊ុយអេឡា កាលពីឆ្នាំ ២០០៤ និងជាតារាស្រី ល្បីផ្នែកទូរទស្សន៍ នាពេលបច្ចុប្បន្ន ដូចគ្នាដែរនោះ ។

គួរបញ្ជាក់ផងដែរថា ករណីសម្លាប់លើកនេះ មិនត្រឹមតែសម្លាប់ តារាស្រីរូបនេះ នោះទេ តែក៏បាន សម្លាប់អតីតស្វាមី ជនជាតិអង់គ្លេសរបស់នាង ផងដែរ ដោយនៅក្នុងនោះ បានបាញ់សម្លាប់នៅពី មុខកូនស្រីតូចវ័យ ៥ ឆ្នាំរបស់ពួកគេ ។ ទីភ្នាក់ងារ សារព័ត៌មានបរទេស nbcnews អះអាងអោយ ដឹងថា ជនរងគ្រោះរូបនេះ​ មានឈ្មោះ នាង Monica Spear ។

បន្ថែមពីលើនេះ ប្រភពសារព័ត៌មានដដែល អះអាងបន្តអោយដឹងថា ករណីបាញ់សម្លាប់ ស្រីស្អាត ជាតារាល្បីទូរទស្សន៍ម្នាក់នេះ អាចកើតឡើង ទៅបាន បន្ទាប់ពីមានការវាយប្រហារ ដោយបាញ់ បោះ គ្រាប់ពិត ខណៈពេល ដែលមានការចេញធ្វើសកម្មភាព ឆក់ប្លន់ អំឡុងពេលដែល រថយន្ត របស់នាង បានខូចទៅតាមបណ្តោយផ្លូវហាយវេ ក្នុងក្រុង Puerto Cabello ប្រទេស វ៉េណេស៊ុយអេឡា ។

មិនត្រឹមតែប៉ុណ្ណោះ បើតាមការគូសបញ្ជាក់ ពីរបាយការណ៍ រាយការណ៍ អោយដឹងថា ករណី បាញ់ សម្លាប់លើកនេះ បានបណ្តាលអោយនាង និងអតីតស្វាមី របស់នាងស្លាប់ នៅពីមុខកូនស្រីតូចវ័យ ៥ ឆ្នាំរបស់ខ្លួន ។ ក្រោយពីមានករណី បាញ់បោះ សម្លាប់ ខណៈចេញធ្វើសកម្មភាពលើកនេះ បញ្ហាសន្តិ សុខនៅក្នុងតំបន់ ត្រូវបានរកអោយឃើញថា ត្រូវតែមានការរឹតបន្តឹង បន្ថែមលើសពីនេះ ទៅទៀត ដើម្បីជាប្រយោជន៍រួម ដល់សន្តិសុខ សុវត្ថិភាព ប្រជាពលរដ្ឋ ស៊ីវិល ៕

ប្រែសម្រួល ៖ កុសលប្រភព ៖ nbcnews