បុរសម្នាក់ តូចចិត្ត និងប្រពន្ធ ដៀលថាខ្លួនក្រ​ និងយកស្បែកជើង វាយក្បាល មកលោតទឹក ស្ពានព្រះមុនីវង្សថ្មី

ហេតុការណ៍នេះ កើតឡើង នៅចំណុចលើស្ពានព្រះមុនីវង្សថ្មី ស្ថិតក្នុងសង្កាត់ច្បារអំពៅទី១ ខណ្ឌមានជ័យ កាលពីវេលាម៉ោង១និង០០នាទីយប់ រំលងអធ្រាត្រ ឈានចូល ថ្ងៃទី២១ ខែតុលា ឆ្នាំ២០១៣ ។ បុរសដែលយកកិត្តិយស ជាបុរសដើមទ្រូង៥ហត្ថ តែប៉ុនប៉ុងធ្វើអត្តឃាតខ្លួន ព្រោះត្រូវស្រ្តីជាប្រពន្ធយក ស្បែកជើងវាយក្បាល និងជេរដៀលត្មះនេះ មាន ឈ្មោះ ភ័ក្រ អាយុ ២២ឆ្នាំ ស្នាក់នៅម្ដុំវត្តព្រែកប្រា សង្កាត់ព្រែកប្រា ខណ្ឌមានជ័យ មុខរបរ ជាជាងសំណង់ និងរត់ម៉ូតូ។ នាយនគរបាលប៉ុស្តិ៍ច្បារ អំពៅទី១ លោក ហ៊ុន សុផល បានឲ្យដឹងថា បុរសដែលប៉ុនប៉ង លោតទឹកសម្លាប់ខ្លួន ហើយត្រូវបានសមត្ថកិច្ច ជួយឃាត់ ទាន់ពេលវេលានេះ បានធ្វើដំណើរ តាមបណ្ដោយ ផ្លូវព្រះមុនីវង្ស ក្នុងទិសដៅពីលិចទៅកើត លុះមកដល់លើស្ពានព្រះមុនីវង្សថ្មី បានចុះពីលើម៉ូតូ ហើយឡើងបង្កាន់ដៃស្ពាន បំណងលោតទឹកសម្លាប់ខ្លួន តែមិនបានសម្រេច ដោយសារសមត្ថកិច្ចជួយទាន់។