បន្ទាប់ពីមាននារីវ័យក្មេងជនជាតិចិនម្នាក់ បានឆក់ស្លាប់ ពេលកំពុងប្រើប្រាស់ iPhone ក្នុងពេលកំពុងសាកទូរស័ព្ទ, Apple បានបង្ហោះព័ត៌មានអមដោយរូបភាព ពីការណែនាំមួយ នៅលើ Web របស់ខ្លួន ដោយបានស្នើសុំឲ្យ អ្នកប្រើប្រាស់ iPhone សូមប្រើតែឆ្នាំងសាក Original របស់ក្រុមហ៊ុន។ Apple បានណែនាំបង្ហាញ អំពីគំរូឆ្នាំងសាកហ្ស៊ីនទាំងអស់ របស់ក្រុមហ៊ុនខ្លួន ដែលកំពុងតែមានដាក់លក់នៅលើទីផ្សារប្រទេសចិន ដោយមានរួមបញ្ចូលនូវការកត់សំគាល់ ចំណាំរវាងរបស់ពិត និងក្លែងក្លាយ នៅលើឆ្នាំងសាកនីមួយៗផងដែរ។
មកដល់ពេលនេះ Apple នៅមិនទាន់បង្ហាញចេញនូវលទ្ធផលជាក់លាក់ ស្តីពីគ្រោះថ្នាក់ឆក់ស្លាប់នារីចិនម្នាក់ ពេលកំពុងប្រើ iPhone និងសាកថ្ម នៅឡើយទេ។ ប៉ុន្តែ សកម្មភាពខាងលើនេះ អាចឲ្យយើងដឹងពីចំលើយមួយ ឆ្លើយតបនឹងរបាយការណ៍កន្លងទៅថ្មីៗនេះថា នារីដែលឆក់ស្លាប់ម្នាក់នោះ បានប្រើប្រាស់ឆ្នាំងសាកក្លែងក្លាយ មិនមែនជាឆ្នាំងសាកហ្ស៊ីន របស់ Apple ទេ ហើយឆ្នាំងសាកនោះឯង គឺជាមូលហេតុចម្បងតែមួយគត់ ដែលបង្កឲ្យមានការស្លាប់របស់នារីបម្រើភ្ញៀវនៅលើយន្តហោះម្នាក់នោះ៕
ដោយ៖ សិលាប្រភព៖ TTE & VE