គ្រោះថ្នាក់ចរាចរណ៍ដ៏រន្ធត់មួយកើតឡើងនៅលើស្ពានមួយក្នុងខេត្ត Qinghai ភាគពាយ័ព្យប្រទេសចិន កាលពីថ្ងៃទី៥ មករា កន្លងមក ដោយរថយន្តកាំមីញ៉ុងមួយគ្រឿងបើកបុកបង្កាន់ដៃស្ពាន រួចក្រឡាប់វិះធ្លាក់ពីលើស្ពានជាប់បង្កាន់ដៃស្ពានបះជើងឡើងលើ ប៉ុន្តែអ្នកបើករងរបួសបន្តិចបន្តួចប៉ុណ្ណោះ ហើយត្រូវបានជួយសង្គ្រោះចេញពីរថយន្ត ។ តាមសេចក្តីរាយការណ៍ថា គ្រោះថ្នាក់ដែលមើលទៅគួរឱ្យព្រឺព្រួចនេះកើតឡើងដោយសារអ្នកបើកបរបើកលឿនហួសល្បឿនកំណត់ នៅត្រង់កន្លែងកោង រួចបាត់បង់ម្ចាស់ការបណ្តាលឱ្យរថយន្តបុកបង្កាន់ដៃស្ពាន ៕