នាយករដ្ឋមន្ត្រីក្រិចលោក George Papandreou ថ្លែងកាលពីថ្ងៃទី១២ មករា ថា ប្រទេសក្រិចនឹងប្តឹងប្រទេសអាល្លឺម៉ង់នៅតុលាការយុត្តិធម៌អន្តរជាតិ ដើម្បីស្វះស្វែងរកការផ្តល់ប្រាក់សំណងចំពោះឧក្រិដ្ឋកម្មសង្គ្រាម ដែលបង្កឡើងដោយកងកំលាំងណាហ្ស៊ី ក្នុងប្រទេសក្រិច ក្នុងអំឡុងពេលនៃសង្គ្រាមលោកលើកទី២ ។ លោក Georg Papandreou ថ្លែងដូច្នេះក្នុងឱកាសនៃកិច្ចប្រជុំគណៈរដ្ឋមន្ត្រីរៀបចំធ្វើក្នុងទីក្រុងអាថែន។#លោក នាយករដ្ឋមន្ត្រី Papandreou ថ្លែងទៀតថា ក្រិចនឹងស្វះស្វែងរកការបង់ប្រាក់សំណងចំនួន៦០លានអឺរ៉ូ សំរាប់ការស្លាប់ជនស៊ីវិលជាង២០០នាក់ នៅតំបន់ប្រជុំជន Distomo នៅឆ្នាំ១៩៤៤ ដោយកងកំលាំងណាហ្ស៊ី ។ លោក Papandreou ថ្លែងបន្ថែមទៀតថា វាច្បាស់ណាស់ថា សកម្មភាពរបស់យើងគឺដើម្បីបំរើផលប្រយោជន៍ជាតិ ។ យើងចាត់ទុកថា វាកាតព្វកិច្ចរបស់យើងក្នុងការគោរពស្មារតីអ្នកដែលពលី និងបូជាជីវិតដើម្បីប្រទេស ។#នេះជាលើកទី១ហើយដែលប្រទេសក្រិចទាមទារប្រាក់សំណងពីប្រទេសក្រៅចំពោះឧក្រិដ្ឋកម្មសង្ គ្រាម ។ នៅឆ្នាំ១៩៩៧ និងឆ្នាំ២០០០ តុលាការក្រិចបានសំរេចគាំទ្រសាច់ញាតិជនរងគ្រោះក្នុងឧក្រិដ្ឋកម្មសង្គ្រាមនៅប្រទេសក្ រិច ដោយទាមទារឱ្យប្រទេសអាល្លឺម៉ង់បង់ប្រាក់សំណងដល់ទៅ៦០លានអឺរ៉ូ ប៉ុន្តែអាល្លឺម៉ង់ច្រានចោលការសំរេចនោះហើយប្តឹងឧទ្ធរណ៍ប្រឆាំងការសំរេចដោយលើកហេតុផលថ ា តុលាការអាល្លឺម៉ង់គួរតែពិនិត្យមើលករណីនេះឱ្យបានដិតដល់ ៕
