ព័ត៌មានអន្តរជាតិ ៖ ក្រុមមនុស្សដែលជាពលរដ្ឋនៅតំបន់ទីប្រជុំជន Aoping និង Junye មានទីតាំងស្ថិតនៅក្នុងខេត្ត Sichuan ប្រទែសចិន ត្រូវបានរកអោយឃើញថា ពិតជាប្រឈមនឹងហានិភ័យខ្ពស់ ដោយយកអាយុជីវិតទៅលលេងនឹងល្បែងគ្រោះថ្នាក់ ពោលគឺប្រថុយធ្វើដំណើរឆ្លងកាត់ទំនប់ទឹកមួយកន្លែង នៅឯទន្លេ Xiaoshi ជាជាងការធ្វើដំណើរផ្លូវវាងចម្ងាយដល់ទៅ ២០ គ.ម ខណៈស្ពា ន Chuanxi Bridge ដែលធ្លាប់តែធ្វើដំណើរឆ្លងកាត់សព្វមួយដង ត្រូវបានបំផ្លិចបំផ្លាញទាំងស្រុង ដោយគ្រោះទឹកជំនន់ កាលពីពេលកន្លងទៅ អំឡុងខែមិថុនា។
ពិតណាស់ បើទោះជាបានដឹងថា ត្រូវធ្វើដំណើរទាំងប្រថុយប្រថានក៏ដោយ ក៏ប្រជាជននៅក្នុងភូមិនេះ នៅតែបន្តជំនះឧបសគ្គដដែល បំណងដើម្បីចិញ្ចឹមជីវភាពរស់នៅប្រចាំថ្ងៃ ក៏ដូចជា ជូនកូនៗអោយបានទៅរៀននឹងគេ តួយ៉ាងដូចរូបភាពខាងលើនេះ បើទោះជាកំលាំងទឹកហូរ មានកំលាំងរាងខ្លាំងយ៉ាងណាក៏ដោយ ក៏បុរសជាឪពុក លោក Zhang Bing នៅតែជំនះ បន្តជូនកូនតូចៗរបស់ខ្លួន ៣ នាក់អោយទៅរៀនទាល់តែបាន។
គួររំឭកផងដែរ កាលពីអំឡុងខែ មិថុនា កន្លងទៅ គ្រោះទឹកជំនន់ដ៏មានឥទ្ធិពល បានបំផ្លិចបំផ្លាញនូវហេដ្ឋារចនាសម្ព័ន្ថមួយភាគធំរបស់ខេត្តនេះ ដោយនៅក្នុងនោះរួមមានស្ពានChuanxi Bridge ផងដែរ ។ តែមកទល់នឺងខណៈនេះ អាជ្ញាធរមានសមត្តកិច្ចក៏កំពុងតែដុតដៃដុតជើង ក្នុងការសាងសង់ឡើងវិញ នូវស្ពានមួយនោះ ខណៈវាគឺជាតម្រូវការចាំបាច់របស់ប្រជាជនដែលមិនអាចខ្វះបាន៕
* ព័ត៌មានអន្តរជាតិ ដ៏គួរអោយចាប់អារម្មណ៍ផ្សេងទៀត មាននៅខាងក្រោម ៖
- រកឃើញ ឆ្អឹងអាថ៍កំបាំង មនុស្សបុរាណ មានអាយុកាលជាង ១០០០ ឆ្នាំ នៅក្នុងទន្លេ (មានវីដេអូ)- ១៣ នាក់ស្លាប់ ខណៈមានការផ្ទុះអាវុធ នៅទីធ្លា មូលដ្ឋានទ័ព ជើងទឹក- ប្រទះឃើញ សាកសព បាឡែនយក្ស ដេកងាប់ នៅឯមាត់សមុទ្រ- កាត់ទោស មន្រ្តីចិន ជាប់ពន្ធនាគារ ១៣ ឆ្នាំ ក្រោយបែកធ្លាយ រឿងអាស្រូវ សិច
ដោយ ៖ មង្គលប្រភព ៖ chinadaily