វាជាសំដីត្អូញត្អែរ ពោរពេញដោយការសោកស្តាយយ៉ាងខ្លាំង ដែលយើងតែងតែស្តាប់ឭពេលមានព្រឹត្តិការណ៍បង្ហាញខ្លួនផលិតផល រឺសេវាកម្មរបស់ Apple, ជាពិសេសពេល iPhone 5 បង្ហាញខ្លួន។
ពាក្យមួយឃ្លាដែលនិយាយថា Steve Jobs នឹងមិន... កំពុងតែក្លាយជាប្រធានបទក្តៅគគុកមួយ ដែលបានសម្តែងពីការអស់សង្ឃឹមរបស់អ្នកគាំទ្រ Apple នៅលើ Facebook និង Twitter។
នេះជាសំដីរបស់អ្នកគាំទ្រម្នាក់ ក្នុងចំណោមអ្នកគាំទ្រជាច្រើននាក់ទៀត ដែលគាំទ្រ Apple
ក្រោយពី Steve Jobs បានលាចាកលោកនេះទៅកាលពីថ្ងៃទី 5/10/2011, Apple បានប្រារព្ធនូវពិធីធំៗមួយចំនួនដូចជា ការដាក់បង្ហាញខ្លួន iPad 2012, WWDC ប៉ុន្តែពិធីដែលមនុស្សជាច្រើននាក់រង់ចាំយ៉ាងអន្ទះសារជាងគេនោះគឺ ការបង្ហាញខ្លួនរបស់ iPhone 5។ ជាក់ស្តែង ពិធីនោះប្រែជាពិធីប្រកបដោយភាពធុញទ្រាន់, ដដែលៗ និងវែងអន្លាយដែលធ្វើឲ្យមនុស្សជាច្រើននាក់លាន់មាត់ថា: កាន់តែមើលការបង្ហាញនេះ កាន់តែនឹកដល់ Steve Jobs។ ទៅណាអស់ហើយភាពប៉ិនប្រសព្វ? ទៅណាអស់ហើយពាក្យសំដីដែលនិយាយធ្វើឲ្យអ្នកស្តាប់ស្ទើរតែភ្លេចដកដង្ហើម? ទៅណាអស់ហើយភាពអស្ចារ្យដែលធ្វើឲ្យអ្នកទស្សនារំភើបចិត្តខ្លាំងនោះ?
វីរបុរស Apple Steve Jobs(ឆ្វេង), Tim Cook នាយកប្រតិបត្តិ Apple សព្វថ្ងៃ(ស្តាំ)
នៅពេល iPhone 5 មានមុខនៅលើទីផ្សារ កំហុសជាច្រើនបានកើតមានជាបន្តបន្ទាប់ និងបានធ្វើឲ្យមនុស្សជាច្រើននាក់មានការខឹងសម្បារ ហើយបាននិយាយថា បើសិនជា Steve Jobs នៅរស់ គាត់នឹងមិនទទួលយកភាពអន់ និងដាក់ឲ្យប្រើប្រាស់កម្មវិធីផែនទីបង្ហាញផ្លូវដូច្នេះនៅលើ iOS 6 ឡើយ, គាត់នឹងមិនបោះបង់សេវាកម្ម YouTube ឡើយ, គាត់នឹងបញ្ឈប់ការងារ Tim Cook...
ខាងក្រោមនេះ គឺជាបណ្តារូបភាពមួយចំនួនបន្ថែមទៀតបង្ហាញពីការសោកស្តាយ ការចាកចេញគ្មានថ្ងៃត្រលប់វិញរបស់ Steve Jobs ដែលត្រូវបានមនុស្សជាច្រើននាក់សរសេរនៅលើ Facebook ក៏ដូចជា Twitter របស់ពួកគេ។ សូមទស្សនាដូចខាងក្រោម ៖
ចុះសំរាប់ប្រិយមិត្តនៅក្នុងប្រទេសកម្ពុជាយើងវិញ មានការសោកស្តាយ និងនឹក Steve Jobs ដូចអ្នកខាងលើទាំងអស់គ្នានេះទេ?
ដោយ៖ សិលាប្រភព៖ VE