ជប៉ុន៖ រាជរដ្ឋាភិបាលជប៉ុន បានយល់ព្រមទិញប្រជុំកោះ នៅក្នុងសមុទ្រចិនខាងកើត នៅត្រង់តំបន់ដីកោះ ដែលមានជម្លោះជាមួយចិន កាលពីថ្ងៃពុធ សប្តាហ៍មុន។
រដ្ឋាភិបាលជប៉ុន នឹងចុះហត្ថលេខាលើកិច្ចសន្យាទិញកោះជម្លោះនោះ ក្នុងពេលឆាប់ៗ នេះពីប្រទេសចិន ក្នុងតំលៃ ២,០៥ កោដិ យេន ស្មើនឹង ២៦លានដុល្លារ ដែលមានឈ្មោះជាភាសាជប៉ុន Senkaku និងជាភាសាចិន មានឈ្មោះថា Diaoyu។
គួររំលឹកផងដែរថា កោះ Senkaku ឬ Diaoyu គឺជាកោះមួយ ដែលគ្រប់គ្រងដោយប្រទេសជប៉ុន តំាងពីយូរមកហើយ តែត្រូវបានប្រទេសចិន ធ្វើការទាមទារដណ្តើមកោះនេះពីប្រទេសជប៉ុនមកវិញ។ មូលហេតុ ជប៉ុនយល់ព្រមទិញដីកោះ ដែលជាកម្មសិទ្ធិរបស់ខ្លួនដោយសារតែ ជប៉ុនមានការធុញទ្រាន់ ពីទីក្រុងប៉េកំាង ប្រទេសចិន ចេះធ្វើការតែទាមទារនិងបង្កជម្លោះជាមួយនឹងជប៉ុន ជាច្រើនលើក ច្រើនសារមកហើយ។ ដូច្នេះ ជប៉ុនក៏សម្រេចចិត្តទិញដីកោះជម្លោះនេះ ពីប្រទេសចិន ដើម្បីបញ្ចប់រឿងជម្លោះដីកោះដ៏ចម្រុងចម្រាសនេះ៕
ដោយ៖ វណ្ណៈប្រភព៖ channelnewsasia