កាលពីពេលថ្មីៗកន្លងទៅនេះ យើងទាំងអស់គ្នាបានឃើញរួចមកហើយនូវ រូបភាពចចាមអារាមពីរសន្លឹករបស់ Nokia Lumia 928 Version ពណ៌ ខ្មៅ សំរាប់ប្រព័ន្ធទូរស័ព្ទចល័ត Verizon (អាមេរិច)ប៉ុន្តែយើងបានឃើញតែផ្នែកខាងមុខ និងខាងក្រោយប៉ុណ្ណោះ។ រហូតមកដល់ថ្ងៃម្សិលមិញ គណនីtwitter @Evleaks បានបន្តបង្ហោះបន្ថែម នូវរូបភាពមួយ ដែលមានគ្រប់ជ្រុងទាំងអស់នៃ Lumia 928Version ពណ៌ ស។
រូបភាពចចាមអារាម Lumia 928 Version ពណ៌ ស
តាមរយះរូបភាពនេះ អាចឲ្យយើងឃើញថា ផ្នែកគែមៗនៃឧបករណ៍នេះ មានលក្ខណៈ ជ្រុងៗជាង Lumia 920 ។ ផ្នែកខាងមុខមានពណ៌ខ្មៅទាំងអស់ ដោយឡែកផ្នែកខាងក្រោយមានពណ៌ ស រួមជាមួយ កាមេរ៉ាមានសរសេរអក្សរ PureView និង Carl Zeiss (មិនមានអក្សរ Nokia ដូចនៅលើ Lumia 920 ឡើយ)។ ចំណែក Speaker ក្រៅ ត្រូវបានបំពាក់នៅផ្នែកខាងក្រោយនៃឧបករណ៍ គឺមិនដាក់នូវផ្នែកខាងក្រោមដូចនៅលើ Lumia 920 ទេ។
រូបភាពចចាមអារាម Lumia 928 Version ពណ៌ ខ្មៅ ដែលលេចចេញកាលពីពេលមុន
ចុចត្រង់នេះ!!! ដើម្បីអាននូវព័ត៌មានចចាមអារាម (រូបភាព និងរូបសណ្ឋាន Hardware) របស់ Lumia 928 កាលពីពេលមុន។
បច្ចុប្បន្ន នៅមិនទាន់ដឹងពីថ្ងៃនៃការបង្ហាញខ្លួនជាផ្លូវការរបស់ស្មាតហ្វូននេះ នៅឡើយទេ៕
ដោយ៖ សិលាប្រភព៖ TTE