សមាជិកាសភាអាមេរិកមួយរូបនៃគណបក្សប្រជាធិបតេយ្យ លោកស្រី GAB-RIELLE GIFFORDS បានត្រូវរបួសធ្ងន់ធ្ងរព្រោះត្រូវគេបាញ់មួយគ្រាប់ចំក្បាលកាលពីថ្ងៃទី៨ មករា ពេលលោកស្រីចូលរួមក្នុងអង្គមីទ្ទីងមួយនៅក្រុងទុកសុន រដ្ឋអារីហ្សូណា ។ មនុស្ស៦នាក់ទៀតដែលមានវត្តមាននៅលើវេទិកាបានត្រូវស្លាប់ ក្នុងនោះមានកុមារអាយុ៩ឆ្នាំម្នាក់ ហើយមនុស្ស១២នាក់ទៀតត្រូវរបួស ។#លោកស្រី GABRIELLE GIFFORDS អាយុ៤០ឆ្នាំ ត្រូវគេបាញ់ចំក្បាលមួយគ្រាប់ ពេលលោកស្រីចូលរួមក្នុងកិច្ចប្រជុំសាធារណៈមួយនៅជិតព្រំដែនម៉ិចស៊ិក ។ គ្រូពេទ្យម្នាក់នៃមន្ទីរពេទ្យក្រុងទុកសុននិយាយថា លោកមានសុទិដ្ឋិនិយមក្រោយការវះកាត់ តែដោយលោកអះអាងថា ស្ថានភាពរបស់សមាជិកសភារូបនេះគឺធ្ងន់ធ្ងរបំផុត ។#ទូរទស្សន៍ជាច្រើនអះអាងថា អ្នកបាញ់ប្រហារត្រូវចាប់ខ្លួនបានពេលរត់គេច ដោយអ្នកចូលរួមក្នុងកិច្ចប្រជុំនោះម្នាក់ ហើយពេលនេះឃាតកកំពុងត្រូវឃុំខ្លួន ។ គេជាយុវជនអាយុ២២ឆ្នាំ ម្នាក់ ។ ពេលបាញ់ប្រហារគេឈរនៅចំងាយត្រឹមតែជាង១ម៉ែត្រប៉ុណ្ណោះ ពីលោកស្រី GAB-RIELLE GIFFORDS ។ ឃាតកបានបាញ់ប្រហារដោយកាំភ្លើងស្វ័យប្រវត្តិត្រូវមនុស្ស១១នាក់ទៀត ក្នុងនោះមានចៅក្រមសហព័ន្ធម្នាក់ ដែលស្លាប់នៅមន្ទីរពេទ្យ ។ # ការបាញ់ប្រហារនេះកើតមាននៅមុខហាងលក់គ្រឿងទេសមួយនៃទីក្រុងទុកសុនក្បែរព្រំដែនម៉ិចស៊ិក ។ សាក្សីម្នាក់និយាយប្រាប់ទូរទស្សន៍ CNN ថា មានការបាញ់ប្រហារដល់ទៅ២០គ្រាប់ឯណោះ ។#ជាភរិយារបស់អវកាសយានិកម្នាក់លោក MARK KELLY លោកស្រី GABRIELLE GIFFORDS បានជាប់ឆ្នោតជាថ្មីក្នុងខែវិច្ឆិកា ជាប់អាណត្តិទី៣ជាសមាជិកានៃរដ្ឋអារីហ្សូ#ណា ។ លោកស្រីជាមនុស្សម្នាក់ដែលចង់ឱ្យពង្រឹងការត្រួតពិនិត្យព្រំដែនជាមួយម៉ិចស៊ិក ៕
