រដ្ឋាភិបាលបាញ់ប្រហារទៅលើបាតុករ ស្លាប់ ២៦ នាក់ របួសជាង ៧០០

កាលពីថ្ងៃទី ១៨ ម្សិលមិញនេះ រដ្ឋាភិបាលប្រទេសយ៉េមែនបានបើកការបាញ់ប្រហារទៅ
លើហ្វូងបាតុករដែលកំពុងតែធ្វើបាតុកម្មនៅទីក្រុង Sanna របស់ប្រទេសនេះ ទាមទារឲ្យ
លោក Ali Abdullah Saleh ចាកចេញពីអំណាច។

យោងតាមសាក្សី និង មន្ត្រីសុខាភិបាលបានឲ្យដឹងថា ការបាញ់ប្រហារដោយរដ្ឋាភិបាល
យ៉េមែននេះបានបណ្តាលឲ្យមានអ្នកស្លាប់យ៉ាងហោចណាស់ ២៦ នាក់ និង រងរបួស
ជាង ៧០០ នាក់។

បាតុកម្មបានកើតឡើយអស់រយៈពេលប្រមាណ ៧ ខែមកហើយនៅប្រទេសនេះ ហើយចំនួន
បាតុករបានកើតឡើងជាលំដាប់ ជាមួយនឹងគោលបំណងគាបសង្កត់លោក Ali Abdullah Saleh ឲ្យចាកចេញពីអំណាច។ លោក Ali Abdullah Saleh មិនទាន់វិលត្រលប់មកប្រទេស
យ៉េមែនវិញនៅឡើយទេ។ លោកបានចាកចេញពីប្រទេសដើម្បីសម្រាកព្យាបាលជម្ងឺនៅ
ប្រទេស Arabia Saudi ៕

(xinhua)

ដោយៈសំអាត