កាលពីថ្ងៃមិញនេះ (៣១មករា) នាវា Kilo 636 ទីបី ក្នុងចំណោម ៦គ្រឿង ដែលរុស្ស៊ីផលិតឱ្យវៀតណាម បានមកដល់កំពង់ផែយោធា Cam Ranh ក្នុងខែត្រ Khanh Hoa ក្រោយពីបានធ្វើដំណើរឆ្លងសមុទ្រ រយៈពេលជាង ៤០ថ្ងៃ។
នាវាដឹកទំនិញ Rolldock Star (ហូឡង់) កាលពីថ្ងៃទី ២៨មករា បានដឹកនាវាមុជទឹក Kilo 636 ដែលមានស្លាកលេខ 184 Hai Phong បានមកសំចតនៅក្បែរឆកសមុទ្រ Cam Ranh។ ហើយនៅព្រឹកថ្ងៃទី ៣១នេះ នាវាមុជទឹក 184 Hai Phong ត្រូវបានគេដាក់ចុះពីនាវា Rolldock Star និងត្រូវបានបណ្ដានាវាការពាររបស់កងទ័ពជើងទឹក អូសចូលកំពុងផែ Cam Ranh នៅថ្ងៃត្រង់នេះ។
នាវាមុជទឹក 184 Hai Phong គឺជានាវា Kilo 636 ទីបី ក្នុងចំណោម ៦គ្រឿង ដែលរុស្ស៊ីផលិតឱ្យវៀតណាម។ នាវាទាំងនេះ ត្រូវបានផលិតឡើងដោយរោងចក្រ Admiralty របស់រុស្ស៊ី។
នេះគឺជានាវាមុជទឹកប្រភេទទំនើប មានសមត្ថភាពវាយប្រហារទៅលើនាវាមុជទឹក នាវាចម្បាំងលើទឹក និងបណ្ដាគោលដៅផ្សេងទៀត។
បច្ចុប្បន្ន កងទ័ពជើងទឹករបស់វៀតណាម កំពុងតែគ្រប់គ្រងនាវាមុជទឹកប្រភេទនេះ ចំនួនពីរគ្រឿង ហើយ 184 Hai Phong គឺជានាវាទីបី។
ប្រែសម្រួលដោយ ៖ តារាប្រភព ៖ VNexpress