រូបភាពសំបកខាងក្រោយរបស់ iPhone ជំនាន់ថ្មី បានលេចចេញចចាមអារាម ២,៣ ដង រួចមកហើយ ប៉ុន្តែការលេចចេញថ្មីបំផុតនេះ ឧបករណ៍គ្រឿងផ្សំនេះ ហាក់ដូចជាច្បាស់ និងមានគ្រឿងច្រើនជាងមុន ដោយមានទាំងបណ្តាបន្ទះជ័រខ្មៅៗ នៅក្នុងទៀតផង។
រួមជាមួយរូបភាព ប្រភពក៏បានឲ្យដឹងថា iPhone 5S នឹងមានអេក្រង់ទំហំ 4 inch ជាមួយកំរិតពន្លឺ 1.136 x 640 pixel ដូចនឹង iPhone 5 ដែរ ប៉ុន្តែប្រើប្រាស់បច្ចេកវិទ្យា IGZO ជួយឲ្យកំពន្លឺកាន់តែភ្លឺល្អជាងមុន និងសមត្ថភាពសន្សំសំចៃថាមពល ក៏បានល្អជាង LCD ដែរ។
ក្នុងនោះ គេហទំព័របច្ចេកវិទ្យាជំនាញខាង Hardware ពីចិន Expreview, iPhone ជំនាន់ថ្មីនៅតែប្រើ A6 ប៉ុន្តែមានល្បឿនលឿនជាងមុនគឺ1,6 GHz ជំនួសឲ្យ 1,3 GHz។ ចំនុចដែលចាប់អារម្មណ៍គឺ Chip ក្រាហ្វិក GPU នឹងជា PowerVR SGX544MP4 Quad Core ជំនួសឲ្យ 3 Core នៅលើ iPhone 5 សព្វថ្ងៃ។
បណ្តាព័ត៌មានមួយចំនួនពីសំបករបស់ iPhone ជំនាន់ថ្មីក៏បានឲ្យឃើញថា មានចង្កោមកាមេរ៉ាធំជាងiPhone 5, សមស្របជាមួយព័ត៌មាន អំពូល Flash មានពីរ។ ជាក់ស្តែង ខុសប្លែកពីលើកមុន ប្រភពពីចិនបានឲ្យដឹងថា កាមេរ៉ានៅលើម៉ូដែលនេះ មានទំហំតែ 12 megapixel ជំនួសឲ្យព័ត៌មានពីមុនដែលថាមាន 13 megapixel។
ទន្ទឹមនឹងនោះ Expreview បានបន្ថែមឲ្យដឹងថា iPhone 5 នឹងមាន RAM 2 GB, Support NFC និងពិសេសនោះ មាន Support Scan ម្រាមដៃ នៅលើប៊ូតុង Home ដែលជាបច្ចេកវិទ្យាផ្តាច់មុខថ្មីមួយរបស់ Apple៕
ដោយ៖ សិលាប្រភព៖ VE