ភ្នំពេញ ៖ កាលពីប៉ុន្មានថ្ងៃមុននេះ អ្នកនយោបាយវ័យក្មេង កញ្ញា ធី សុវណ្ណថា បានបង្ហោះរូបថតជាច្រើនសន្លឹកជាមួយ អគ្គសេនាបតី តេជោ ហ៊ុន សែន ដោយរូបទាំងនោះមានលាយឡំជាមួយនិងទឹកភ្នែក ហើយកញ្ញាបានសរសេរបញ្ជាក់ជាមួយនិងកំហុសខុសឆ្គងដែលធ្លាប់បានធ្វើខុសចំពោះ អគ្គសេនាបតី តេជោ ហ៊ុន សែន នាពេលកន្លងទៅនេះ ។ ក្រោយពីរូបថតបានបង្ហោះនៅលើបណ្តាញសង្គមហើយនោះ កញ្ញា ធី សុវណ្ណថា ក៏ត្រូវបានមតិភាគច្រើននិយាយថា គ្រាន់តែការសម្តែង ។ ល។
ទទ្ទឹមនេះផងដែរ កញ្ញា ធី សុវណ្ណថា បានបង្ហោះសារជាថ្មីម្តងទៀតដោយលើកឡើងថា អ្នកខ្លះថា ខ្ញុំសម្តែង
បេីអ្នកជាខ្ញុំ អ្នកមានអារម្មណ៍បែបណា?
ឆ្នាំ២០១៣ អាយុ ១៨ឆ្នាំ ខ្ញុំចូលប្រឡូកក្នុងនយោបាយ ដោយទទួលនយោបាយលាបពណ៌ពីបក្សប្រឆាំងខ្ញុំចាត់ទុកសម្តេចតេជោ ហ៊ុន សែន ជាសត្រូវ ចាត់ទុកលោក សម រង្សី កឹម សុខា ជាវីរៈបុរស
កាលនោះ ខ្ញុំមានឆន្ទៈ និងក្លាហានទាំងល្ងិតល្ងង់ប្រេីរថយន្តផ្ទាល់ខ្លួន ចំណាយថវិកា កម្លាំងកាយនិងកម្លាំងចិត្ត ចូលរួមដឹកនាំហែបក្ស បាតុកម្ម ទាំងថ្ងៃយប់ ក្តៅរងាភ្លៀង ប្រឈមនឹងបញ្ហាបាតុកម្មហិង្សាជាច្រេីន
ឆ្នាំ២០១៤ កញ្ញា កឹម មនោវិទ្យា កូនលោក កឹម សុខា ប្រេីអំណាចឪពុក ព្យាយាមលាបពណ៌ រំខានសកម្មភាពរបស់ខ្ញុំ និងដាក់ចេញជាគោលនយោបាយប្រឆាំងខ្ញុំ
- ប្រាប់សប្បុរសជនក្នុង និងក្រៅប្រទេសមិនឲ្យផ្ញេីប្រាក់មូលនិធិឲ្យខ្ញុំ ដែលកាលនោះខ្ញុំទទួលបានរាប់ម៉ឺនដុល្លា ក្នុង១ខែៗ រយៈពេល២ឆ្នាំ ខ្ញុំទទួលប្រាក់មូលនិធិខ្ទង់៧០ម៉ឺនដុល្លា ។ - ប្រាប់សារព័ត៌មាន និងសកម្មជនមិនឲ្យថតរូប និងផ្សព្វផ្សាយពីខ្ញុំ- បណ្តេញ និងរារាំងខ្ញុំ ពីវេទិកាបក្សក្បួនហែបក្សផ្សេងៗ - ចេញលិខិតបក្ស បញ្ចប់តួនាទីខ្ញុំពីអ្នកឃោសនិកពិសេស និងបណ្តេញខ្ញុំចេញពីបក្ស
ខ្ញុំអត់ធ្មត់២ឆ្នាំ ព្យាយាមតស៊ូមតិរកខុសរកត្រូវ ទាមទាយុត្តិធម៌ពីលោក សម រង្សី កឹម សុខានិងថ្នាក់ដឹកនាំបក្សប្រឆាំងជាលទ្ធផល លោកសម រង្សី កឹម សុខាមួរ សុខហួរ អេង ឆៃអ៊ាង ថ្នាក់ដឹកនាំជាច្រេីន មិនហាននិយាយ ក៏ស្របតាមកូនលោក កឹម សុខា បណ្តេញខ្ញុំ ចេញពីបក្សយ៉ាងអយុត្តិធម៌
ទោះជា ប្រឈមនឹងបញ្ហាផ្ទៃក្នុងយ៉ាងខ្លាំងខ្ញុំនៅតែពង្រឹងឆន្ទៈខ្លួន ចូលរួមគ្រប់សកម្មភាពបក្សប្រឆាំង បាតុកម្មផ្សេងៗ
សកម្មភាពបាតុកម្មហិង្សាជាច្រេីន ដូចជា- បាតុកម្មបិទផ្លូវជាតិលេខ៤ ជិតបន្ទាយ៩១១ - បាតុកម្មហិង្សា ទីលានប្រជាធិបតេយ្យ- បាតុកម្មគប់ដបដុំថ្ម នៅស្ទឹមមានជ័យ- បាតុកម្មគប់ដបសាំង នៅផ្លូវវេស្រេង...តែងមានមនុស្ស១ក្រុម ប្រាប់ខ្ញុំ កៀងកាពារសុវត្ថភាពខ្ញុំ ចេញពីការផ្ទុះអំពេីហិង្សា បេីគ្មានក្រុមនោះទេ ពេលនេះ ធី សុវណ្ណថានឹងក្លាយជារូបសំណាក់ ។
រហូតដល់ឆ្នាំ ២០១៧ ទេីបខ្ញុំដឹងក្រុមដែលតែងកៀងការពារជីវិតខ្ញុំពីអំពេីហិង្សាបាតុកម្មផ្សេងៗ គឺជាអាជ្ញាធរសំងាត់ដែលសម្តេចតេជោ បញ្ជាឲ្យការពារជីវិតខ្ញុំ
ពូមីង បងប្អូន សាកគិតពីអារម្មណ៍បែបនេះអ្នកដែលខ្ញុំគោរពស្រលាញ់ជាវីរៈបុរសជាតិសម រង្សី កឹម សុខា បែជាមនុស្សគ្មានហេតុផលមិនស្គាល់ល្អអាក្រក់ ខុសត្រូវ ផ្តល់អយុត្តិធម៌ឲ្យខ្ញុំបណ្តោយឲ្យកូនចេញលិខិតបក្ស ដកតួនាទីខ្ញុំ បណ្តេញខ្ញុំចេញពីបក្សយ៉ាងអាម៉ាស
ពេលនោះ អ្នកដែលខ្ញុំស្អប់គឺ សម្តេចតេជោ ហ៊ុនសែន ខ្ញុំតែងគិតថាជាមនុស្សអាក្រក់ សាហាវឃោឃៅ ហេីយខ្ញុំតែងតែវាយប្រហារ ប្រមាថសម្តេចធ្ងន់ៗ គ្រប់រូបភាព...សម្តេចបែជាមនុស្ស ដែលជួយសង្គ្រោះជីវិតខ្ញុំ និងជួយតាមការពារខ្ញុំ
ក្រោយមក សម្តេចបានផ្តល់កម្លាំងចិត្តលេីកសរសេីរខ្ញុំក្នុងវេទិការបរិស្ថានពីការដឹកនាំ សកម្មភាពទេសចរណ៍ ធ្វេីឲ្យខ្ញុំកាន់តែមានភាពកក់ក្តៅ និងការងារសង្គមរបស់ខ្ញុំកាន់តែរឹងមាំ
ខ្ញុំក៏សម្រេចចិត្តដ៏ច្បាស់លាស់ រឹងមាំដាក់លិខិតសុំខមាទោសពីសម្តេចតេជោសម្តេចបានផ្តល់ការអនុគ្រោះ យោគយល់មិនប្រកាន់ទោសកំហុសរបស់ខ្ញុំនិងបានផ្តល់ឱកាសឲ្យខ្ញុំ កសាងគុណសម្បត្តិក្លាយជាមន្ត្រីដឹកនាំនយោបាយ នៅមូលដ្ឋាននៅឃុំត្រេីយស្លា ស្រុកស្អាង
ខ្ញុំចូល CPP មានក្រុមប្រឆាំងរាប់ម៉ឺន សែននាក់ជេរប្រមាថខ្ញុំយ៉ាងខ្លាំង តែខ្ញុំអាចទ្រាំបានព្រោះខ្ញុំមិនអាចក្បត់សេចក្តីពិត មិនអាចក្បត់អំពេីល្អ ក្តីមេត្តាករុណារបស់សម្តេចតេជោ បានទេ
ទោះជា សម្តេចតេជោ បានអធ្យាស្រ័យលេីកលែងទោសឲ្យខ្ញុំ មិនប្រកាន់ខ្ញុំតែខ្ញុំនៅតែឈឺចាប់ ខ្មាស់អៀន និងមានវិប្បដិសារីយ៉ាងខ្លាំង ចំពោះទង្វេីរបស់ខ្លួនឯង នេះហេីយជាមូលហេតុដែលខ្ញុំមិនអាចទប់ទឹកភ្នែកបានរាល់ពេលខ្ញុំមេីលមុខសម្តេចតេជោ
នេះជារឿងពិត នៃខ្សែជីវិតដ៏កំសត់របស់ខ្ញុំ ដែលគ្រប់ថ្នាក់ដឹកនាំ និងមហាជនទូទៅបានដឹងបេីពូមីង បងប្អូនគឺជាខ្ញុំ តេីបងប្អូនធ្វេីយ៉ាងណា?
កម្ពុជា ក្រោមការដឹកនាំរបស់សម្តេច ហ៊ុនសែនសប្បូរសប្បាយ អភិវឌ្ឍន៍ រីកចំរេីនជាខ្លាំងទោះជាកេីតមានចំនុចអសកម្មខ្លះរបស់មន្ត្រីខិលខូច សម្តេចបានវះកាត់កែទម្រង់ជាតិកាន់តែល្អជីវភាពប្រជាជនកាន់តែប្រសេីរ
ខ្ញុំជាប់ជំពាក់គុណសម្តេចតេជោ ហ៊ុន សែន គឺគុណសង្គ្រោះជីវិត ដែលគ្មានអ្វីតបសង់បានទេ
នាងខ្ញុំ ធី សុវណ្ណថា សូមស្បថចំពោះវត្ថុស័ក្កសិទ្ធនិងមហាជនក្នុងFacebook ដោយស្មោះស្ម័គ្រ ចូលរួមជាមួយអ្នកគាំទ្រCPP. ចូលរួមជាមួយកងទ័ព និងប៉ូលីស ហានពលីជីវិតការពារសន្តិភាព ការពារសម្តេចតេជោ ហ៊ុន សែននិងក្រុមគ្រួសារ ជារាងរហូត ៕
