យកទូរស័ព្ទ ថតខ្លួនឯងលេង នៅតាម ផ្លូវ ត្រូវចោរឆក់ យកទៅបាត់ តែសំណាង ល្អចាប់បានវិញ

ភ្នំពេញ ៖ ជនសង្ស័យ ២នាក់ ខណៈ ដែលកំពុងធ្វើសកម្មភាព ឆក់ទូរស័ព្ទពីអ្នក ដំណើរនៅតាមផ្លូវ ត្រូវបានកម្លាំងនគរបាល ប៉ុស្ដិ៍ផ្សារកណ្ដាលទី១ ខណ្ឌដូនពេញ ធ្វើការ ឃាត់ខ្លួនបានភ្លាមៗ ។

មន្ដ្រីនគរបាលខណ្ឌដូនពេញ បានឱ្យដឹង ថា ជនសង្ស័យទី១ ឈ្មោះ សុខ ទី អាយុ ២៤ឆ្នាំ មុខរបរ ជាងជួសជុលរថយន្ដស្នាក់ នៅមិនពិតប្រាកដ ទី២ ឈ្មោះ ម៉ៅ ពិសិដ្ឋ អាយុ ២០ឆ្នាំ មុខរបរ និងទីលំនៅមិនពិត ប្រាកដ ដោយឡែកជនរងគ្រោះវិញ ឈ្មោះ យូ ដាលីន ភេទស្រី អាយុ ២៥ឆ្នាំ បម្រើការងារនៅហាងបារាំង ស្នាក់នៅផ្ទះលេខ ៥ ភូមិសាមគ្គី សង្កាត់ទួលសង្កែ ខណ្ឌឫស្សីកែវ។

ប្រភពព័ត៌មានពីសមត្ថកិច្ចមូលដ្ឋានបាន ឱ្យដឹងថា នៅវេលាម៉ោង ១១ និង៣០នាទី យប់ ថ្ងៃទី២៨ ខែឧសភា ឆ្នាំ ២០១៣  ខណៈដែលជនរងគ្រោះ ចេញពីកន្លែងធ្វើ ការ ហើយធ្វើដំណើរមកដល់ចំណុចមុខ ហាង ឃីរីម៉ាត ផ្លូវលេខ ១១០ កែងផ្លូវ លេខ ៥ ភូមិទី១៦ សង្កាត់ផ្សារកណ្ដាលទី១ ខណ្ឌ ដូនពេញ ហើយបានយកទូរស័ព្ទថត ខ្លួនឯងលេង ស្រាប់តែលេចមុខជនសង្ស័យ ២នាក់ ជិះម៉ូតូ១គ្រឿង ធ្វើសកម្មភាពឆក់ ទូរស័ព្ទពីជនរងគ្រោះ បានសម្រេចតែម្ដង។ សមត្ថកិច្ចបានបន្ដថា ប៉ុន្ដែ ក្រោយពេលធ្វើ សកម្មភាពរួចនោះ ត្រូវបានសន្ដិសុខឈ្មោះ សាន សុភ័ក្ដ្រ ដែលកំពុងយាមនៅ ចំណុច កើតហេតុ ចេញមកកាក់ បណ្ដាលឱ្យជន សង្ស័យទាំង ២ ផ្ដួលម៉ូតូបម្រុងរត់គេចខ្លួន ក៏ត្រូវកម្លាំងនគរបាលប៉ុស្ដិ៍ផ្សារកណ្ដាលទី១ ពេលកំពុង ចុះល្បាតឃាត់ខ្លួនភ្លាមៗតែម្ដង ទៅ ។ ដោយឡែកទូរស័ព្ទម៉ាក ិផហៀនេ ៥ ពណ៌ស ត្រូវបានសមត្ថកិច្ចប្រគល់ជូនជនរង គ្រោះវិញ រីឯជនសង្ស័យ ទាំង ២ និងម៉ូតូ ដែលជិះធ្វើសកម្មភាព យកទៅឃុំខ្លួន និង រក្សាទុក នៅអធិការដ្ឋាននគរបាល ខណ្ឌ ដូនពេញ ដើម្បីកសាង សំណុំរឿងបញ្ជូនទៅ តុលាការ ចាត់ការតាមផ្លូវច្បាប់ ៕

ផ្តល់សិទ្ធិដោយ៖ ដើមអំពិល